【今次真係靚】Winnie the Pooh 12隻『木』頭公仔嚟啦 @ 7-Eleven

印象中7-Eleven未曾推出過木公仔, 今次木製 Pooh Pooh 系列, 忽然很有文青感覺. 

SY:「點解突然咁多小熊維尼出現呢?」

話時話最近Time Square 又有Pooh Pooh展, Now又播Pooh Pooh, 7-Eleven又來換.

我最初以為是維尼熊慶生節目, 但後來發現Pooh Pooh生日是1926年12月24日喎

今次的森林和原野中的12隻小熊維尼, 我未給SY看之前, 我問他, 知不知道Winnie the Pooh有幾多個朋友仔呢?

SY:「跳跳虎, 豬仔, 袋鼠, 隻牛...(有隻藍色嘅驢仔呢?), 嗰隻米係隻牛囉...」, 我:「佢叫咿唷喎係驢仔, (SY:係咩? 哎...仲有貓頭鷹呀)

今次一套12隻分了三個系列, 每個系列也有一隻維尼熊, SY:「E~點解Honey串錯咗字(hunny)嘅?」

我:「係喎...點解呢?」, 阿太即時上網找到答案:「原來係小熊維尼專登串錯咗, 所以之後D粉絲就索性叫蜜糖做Hunny」(咁即係橋嚟啦)

12隻當中, 豬仔, 跳跳虎, 咿唷各有2隻, SY:「爸爸! 派對系列最好, 因為四個我都鍾意」(係囉...我都係咁話)

之後大袋鼠與小袋鼠, 還有腦頭鷹就有點綠葉感覺. SY:「爸爸, 咁我哋星期三要唔要去換個音樂森林呀?」, 其實又有音樂, 又會轉, 確實吸引, 不過...

我:「太大盒啦, 屋企都無晒位, 其實我好想換, 不過D位都被媽媽D杯緣子霸晒, 算啦, 都係換D公仔好D, 細細粒得意D」

印花派發：2017年4月5日(07:00)至5月30日
憑22個印花免費隨機換領公仔一款 ; 或5個印花加$25隨機換購一款



大仁生活facebook