話說上星期SY說想買芝士撻, 當走到SOGO地庫竟然扶手電梯封了圍板, 工作人員:「唔好意思, 我哋地庫超市裝修, 4月22號先會再開返」
今日就是SOGO地庫變身日本食街的日子,
八卦大叔當然第一時間去襯熱鬧呀!
鹿兒島的薩摩魚餅絕對是人龍最旺場的一間, 隔著大玻璃可以看到師傅炸魚餅的情況.
最多人買就是流心蛋魚餅 $29, 朋友Edward:「真係好流心, 簡直黐實咗個口」, 店員推介我食香蔥檸檬魚餅
$23.
Edward:「我唔食蔥呀!」, 我:「中間D醬係酸酸甜甜架, 幾襯D蔥味...」
不過, 我們二口同聲都大讚粟米魚餅
$28, Edward:「好啱小朋友食, 而且好得意, 中間魚肉都係流心呀! (仲好甜, 同啖啖粟米添)
玖子貴 B2-15A 鋪 ★★★
另一排長龍店就是來自江之島的 Quiche Yoroizuka, 鹹批專賣店是也.
E莉一來便搶先試食 龍蝦撻$30, 她一邊食一邊說 : 「中間有一粒西蘭花, 其實未切都聞到好香, 熱辣辣真係好好味」
店員說:「日本最多人賣就係羅蘭士(野菜、煙肉) $25, 同埋法式焗洋蔥 $25」
不過, 我愛甜味, 所以揀了香橙杏仁 $25.
我:「我都係覺得甜批食得開心D, 而且口感夠鬆, 又不苦, 有D似椰撻質感, 其實我覺得畀 香港限定...鎧塚厄瓜多爾可可農場朱古力 $28 更易入口, 更似甜品」
Quiche Yoroizuka
B2-15C 舖
華御結 一樣玩限定, 一口甜玉子杯 6粒 $30... 店員:「曲奇餅都係出面分店無呀! 櫻花仲要係最多人買添...」
曲奇有三種口味, $68/盒...如果有雜錦裝, 我會即買呀!
「Kobe Beef Meat Pie」老實說, 我真的被神戶牛的名字吸引過來...店員:「熱食一定最好味, 你買返屋企整返熱佢, 包你食到有肉汁」
因為現場的冷了一點...但酥皮包裹著免治神戶牛及洋葱粒, 肉味超濃, 神戶牛批 $38(大) $21(小)...
朋友Edward:「啱晒你啦, 店員話返屋企叮20秒就得,你唔好叮咁耐呀!」(梗係啦)
越前海鮮俱樂部 的Yuki San是全場最識搞氣氛的師傅,
他忽然大叫:「哈!哈!哈! 日文就係Ebi,
Amai Ebi 甜蝦」
我最初試食時見到蝦餅$33, 心想:「珍珍脆脆蝦餅$6一包, 你一塊咁細塊賣$33?」
後來Yuki San即場將原隻蝦入粉, 之後即以160度高溫烘6分鐘...(嘩! 真係原條蝦壓成架?)
從未試過/見過會用原隻蝦做蝦餅,
吃入口100%脆岳岳,
Edward:「如果有得送啤酒就好...」
我:「係囉...我想飲D嘢, 好口喝喎」
之後經過 I creameria, 她竟然大大隻字寫著 日式蕨餅串
$38...
我:「我以前嚟食過你哋嘅蜜瓜雪糕,
估唔到你哋E家做埋唔蕨餅」
我:「你哋用黃豆粉, 我最初以為係焙茶... 不過, 你哋做到大大舊, 一串三舊$38又唔錯喎」
店員:「因為配合Sogo, 我哋先只係E間分店先有蕨餅賣呀...」(E個消息真係唔可以畀我家SY知道, 因為他對蕨餅的迷戀程店,
畀起我更泥足深陷.
串燒橫町 有師傅正在燒雞肉串, 香味剛剛好傳到我面前...店員:「我哋真係由岩手縣直送D雞嚟香港, 所以味道會唔同香港你食到嘅雞」
塗了醬油的雞咀嚼過後, 還會留著有一陣惹味的Aftertaste,
所以, 我經常說:「日本真係連水都好飲D」
Paul Lafayet 有Sogo限定抹茶芝士Cake $30, 一口我應該可以吃到2粒, 好回甘的抹茶味, 不過太細粒, 我應該要吃$90才夠喉喎.
Croissant Taiyaki 的蘋果鯛魚燒 $15, 我本來沒有大興趣的, 因為吃了很多年, 但店員說:「蘋果味只係Sogo獨賣喎」
E莉:「咁我一定要試啦...」, 我:「蘋果一定好食過紅豆, 同埋佢哋用D蘋果又夠清甜, 頭先問店員, 佢話一份鯛魚燒 最少有5-6粒蘋果粒粒添」
JUCHHEIM 年輪蛋糕吃得多...我今日以為她們進軍雪條界, 誰知店員說:「E啲唔係雪條嚟架, 係年輪蛋糕舖滿朱古力,
總共有9款味道」
因為店員推介食芝麻白朱古力, 但其實黑朱古大乾香蕉也可以有一軟一硬的配搭, 雪條狀的年輪蛋糕, 真的無得輸啦!
變身後的SOGO, 趕走了三間餐廳, 全部變立食小店, 非常好呀!...其實地庫那間難食的日本西式餐廳應該一早就要踼走她, 現在就真的很不錯啦!
沒有留言:
張貼留言