今日, 是青衣戲棚「真君誕」開鑼的第一天, 我帶SY去青綠街球場之際, 想不到小朋友對我說:「乜咁快又一年啦? 我哋好似上年啱啱先去」
時間真的愈走愈快呀! 不過, 以往3年我們也習慣晚上才出動, 今年則揀選中午時份到場,
SY問:「爸爸! 點解我哋唔係夜晚先去嘅咩?」
因為爸爸怕人多, 所以今年想試一試中午去, 果然掃街人數真的不多, 阿太:「係就係人少, 但好多檔都未開呢」
1. 平玩流水麵~抵!! $30/2玩2麵、$50/4玩4麵 (必玩)
梗肯是全場最有賣點的一檔, 因為$30便可以玩2次夾流水麵, 不過檔主Jade說:「唔好意思, 我哋應該要黃昏後先Set得好呀!」
我問:「到時係米夾兩次, 之後就咁食呢?」, Jade笑笑口:「因為衞生問題, 玩嘅還玩, 食嘅係我哋另外煮, D冷麵汁都係我特別調好嘅」
SY:「我好想玩呀!」....爸爸都一樣好想玩...等到晚上再來看看啦
2. 泰式雪條 7款口味 $13
這幾天的天氣愈來愈熱, 由地鐵站走過來, SY已不停大叫:「好想食雪條...」之後給他看到泰式手制雪條,
小朋友又怎會放過呢!
其實, 泰式雪條與我們吃慣的雪條有何分別呢? 我問檔主, 她又不答我, SY:「好味D, 凍D掛」
我試了一口:「嘩! 菠蘿味超酸呀!」, SY:「酸先好呀! 咁熱就可以涼D囉」(咩理論嚟呀?)
3. 人龍店之一: 芝士大啡菇 $30/$40
不要以為早來就真的一條人龍也沒有, 這個邪惡大啡菇便一早已經有十數人在排隊.
我:「上年我哋都食過啦...」, 阿太:「咁多人排, 梗係好食啦, 咁米再食一次囉...」
煙肉芝士大啡菇 $40 阿太:「真係好多汁喎, 估唔到咁好食, 起碼咁多芝士都唔膩先吖」....而且, 攤檔賣三款菇, 剛剛我們要煙肉芝士竟然來一個Fast
Pass, 勁正~等也不用等.
4. 梳乎厘班戟$40/2
旺角店日日都可以食, 沒有理由今日要食貴價,
而且$40是沒有配料的...($45可以揀選蜜糖味, 或Nutella)...所以, 我們沒有買.
5. $30大大長洲薯片棒 $30
本來, 我有衝動走去買這支大大薯片棒,
但接二連三有人投訴...「嘩! 好粉呀! 都未食得就攞出嚟賣, 有冇攪錯呀!」
阿太:「都係唔好買啦, 咁多人話唔熟喎....(好好好...走), 真係早嚟好似唔多著數, 人哋都未整好咁」
6. .燒日本鱈場蟹+膏+蒜蓉包 $50
本來這款蟹蓋是阿太一進場第一檔便想吃的食物, 不過當時檔主說:「要再等十五分鐘, 因為啱啱先係雪櫃攞出嚟」
之後我們回到攤位, 負責人說:「可以食得啦, 你加$5可以有蟹膏, (咁蒜蓉包幾錢?), 送埋三塊嘅」
一向很愛吃蒜蓉包的SY:「太多蒜蓉..好大陣味呀! 我可唔可以唔食呀?」
我問阿太:「鱈場蟹得唔得?」, 木無表情的她答:「可以雪得太耐, 無蟹味, 又唔鮮, 定係我期待得太緊要呢?」(原來蟹真係可以無蟹味架)
7. 真心膠$20
鮑魚, 海參, 花膠我的最愛, 一聽到$20有花膠食...抵喎. 店員:「我畀多D少少你, 等你哋三個人都可以試下, 我哋真係浸足一晚先再煲架」
非常入味, 連未吃過花膠的小朋友也讚:「同D冬菇一樣好好味」, 我問:「廿蚊都有花膠咁鬼抵?」
負責人很老實答:「講真花膠又點會廿蚊,
其實, 花膠即係魚肚, 只不過我哋秘製咗, 真係平有平食」 (係! 平都好好食添)
6. 原盅菠蘿雪碧$60
天氣實在太熱, 連我也開始口渴, 因為自己不愛思樂冰, 所以之前不太愛吃原盅菠蘿沙冰. 但今次的不是冰, 而是直接加雪碧...太熱, 太想飲啦!
不過, 店員沒有採盡所以菠蘿肉,
所以冰凍的雪碧只能加入半罐, 之後再加上一粒乾冰,
SY:「哈哈哈! 好似嘔泡咁呀!」(你好核突呀!)
如果菠蘿先雪好, 應該效果會更佳, 因為菠蘿肉是室溫的.
PS: 起肉可以再起多點, 或者給我們一支鐵匙羮可能好些, 因為最後的1/4的菠蘿肉, 膠匙羮也不能發揮作品, 唯有眼白白棄掉, 很浪費呀!
7. . 暗黑臭豆腐+冰爆芋圓 =$45
朋友糖說:「台灣臭豆腐臭到不得了,
但係好好」, 不過今次的台式臭豆腐,
為何我一點也不覺得臭呢? 有機會真的想去台灣吃一次
阿太:「人哋主打辣, 你哋又唔食得辣, 可能辣先係啱配臭豆腐呀!」
我:「冰爆芋圓裡面嗰兩粒提子好正呀! 一定係浸咗乾冰, 所以入面好多氣, 好似汽水爆炸糖咁」
SY:「我鍾意飲嗰D糖水呀!好飲」, 阿太:「爸爸, 你食埋D芋圓啦, 我麻麻地」. 其實, 芋圓真的不錯, 不明白一老一嫩也不太喜愛.
8. 人龍店之二:靚靚手工芋圓
剛剛吃完一碗芋圓之際, SY便說:「嘩!E條隊好長呀! 食咩架?」, 原來又是芋圓.
今次可以揀配料, 還可以加大大個紫薯...賣相很不錯, 不過, 我剛剛獨力KO了一碗, 所以, 我今次放棄這人龍店吧!
9. 即炸榴槤西多+抹茶雪糕 $40
西多士怪一望到目標, 即時大叫:「我想食, 我想食」, 我說:「榴槤雪糕配榴槤西多喎, 你食咩?」
SY:「佢可以配抹茶雪糕呀! 媽媽食榴槤西多囉」, 店主:「但係配榴槤雪糕先最好食喎」(唔緊要啦, 鴛鴦配搭先可以一次過滿足一老一嫩呢)
吃了一口西多的阿太:「唔夠榴槤肉, (佢話係貓山王喎), 可能真係配榴槤西多好味好多」, 連很怕榴槤的我也可以將西多入口, 便知味道真的太弱.
SY:「但係個雪糕好好食喎...」(我印象中, 你好似無話過有唔好食嘅雪糕喎?)
10..士多啤梨紅豆糯米糍 $30
阿太說:「我之前係新宿食過咁上下嘅士多啤糯米糍, 嗰間老店真係好好食...不如E家都試下囉」(SY又要一個芒果糯米糍, 點解你人仔細細可以食咁多嘢?)
阿太:「唔係唔好食, 不過, 可能有比較, 始終都係覺得新宿好食D」
我心想:「祟日的阿太...我當然明白你諗咩啦, 我無錢又無假, 我一定唔會中你計, 話一齊去日本再食囉」
2017青衣戲棚「真君誕」
地址：青衣青綠街球場
日期：2017年4月8日至4月12日
時間：2:30pm-12am
大仁生活facebook
沒有留言:
張貼留言