星期日一家三口去了享受迪士尼春日節, 今次用享受, 因為全程只是食, 食, 食, 一日三餐食盡限定春日餐.
我們經常入園玩, 但次次也趕鴨仔式的匆匆忙忙,
走入美國小鎮的「大街餐廳」如此奢侈的選擇, SY又怎會批准呢?
今次則大大不同, 因為我們一好協議了要食食食...所以, 小朋友也破例來一次慢活迪士尼...
SY:「爸爸! 我哋係米食E個春日餐呀?」, 我:「係呀! 不過, 今日咁熱, 其實應該係夏日餐先啱啦」
走入店內, 剛剛是花車巡遊時段,
SY走到窗前聚精會神看巡遊, 我說:「第一次坐定定睇花車, 原來咁正喎...」
SY:「係囉...時間啱啱好, 又會就啱時間咁好嘅」(今日有運行呀!). 而同一時間, 我們的春日套餐 ($268) 便己登場.
煙三文魚西蘭花椰菜花蛋白沙律, SY:「哈哈! 我最鍾意食三文魚, 哎呀! 佢有D米奇頭嘅脆脆喎, 如果三文魚都係米奇頭就正啦」
我反而覺得蛋白沙律夠清, 夠好味...我:「米奇頭脆脆好似好鬼硬掘掘...如果換做多士質感應該會更好」
燒春雞配青豆薯蓉香草汁一登場, SY大叫:「哎呀! 點解有咁大Pat Washabi呀! 」
阿太試一試便說:「唔係Washabi嚟架... 係青豆汁呀, 唔辣嘅」, 我:「D雞幾入味喎, 又唔鞋, 真係春雞嚟喎, 細細隻, 幾得意」
SY:「爸爸, D雞要點燒汁呀! (但已經好夠味喎), 點完更加好味囉」
SY非常期待的玫瑰士多啤梨奶凍配雜莓, 他說:「爸爸, 你食生果, 我食奶凍啦」(咁都得?)
不過, 其實, 兩種莓, 及士多啤梨都比較酸, 一定要與奶凍齊齊吃才可以有特別的雙重口感呀!
PS: 略嫌如果套餐可以附送餐飲, 大家也一定會更覺完美呀!
吃餓正餐, 我們走了一轉IronMan及巴斯光年之後, 又到「市集餅店」來過下午茶...這亦是阿太最期待的一個項目.
阿太:「快D啦...快D啦, 我想買嗰件唐老鴨冬甩呀 ($38), 好襯我套迪士尼杯緣子呀!」
SY:「媽媽, E度寫小熊維尼麵包圈 , 唐老鴨麵包圈唔係冬甩喎」,
我:「難怪個冬甩咁軟綿綿啦,
原來係麵包」
我:「面頭嗰D係朱古力嚟架」, SY:「我知呀!我最鍾意食朱古力呀! 不過, 我想用匙羹食, 因為佢好藍色呀!」
(哈哈, 你真係食到個嘴都藍晒喎...咁攪笑) 阿太:「影相就唐老鴨最正, 但係食就米妮春日杯 (草莓慕絲) $42 好D, 因為我鍾意佢酸酸甜甜,
甜甜酸酸」(你估你係都市閒情教煮餸咩?)
下午茶過後, 玩了一回, 我們又乘穿梭巴士過去好萊塢酒店「米奇廚師餐廳」來一個自助餐.
因為, 今個4月及5月, 食自助晚餐, 小朋友可以參加CupCake工作坊呀!
今晚的主題是 Duffy 與
ShellieMay, 其實7成功夫已經一早由廚師準備好,
小朋友只而製作三粒小玫瑰...
雞手鴨腳的一老一嫩完成了玫瑰花後, 阿太說:「嘻嘻~咁醜樣, 不如D花都係貼後D好~嘻嘻」
ShellieMay最簡單, 只是舖上粒粒珠, 再把ShellieMay插在CupCake上就大功告成.
SY一邊偷吃食用膠水一邊說:「原來無味架~」, 其實, 若果我是廚師, 我也專誠去揀選無味的食用膠水,
否則一晚有六班, 未到第二班, 膠水也給小朋友吃光吧!
完成工作坊, 當然要跟大廚米奇合照吧!
之後SY好心急:「快D去攞嘢食啦...我驚無晒雪糕, 棉花糖, 同朱古力呀...」
我答甜品怪說:「你放心啦, 2粒鐘任你食, 邊到有人同你爭食雪糕吖...不過, 唔該你食咗正餐先食甜嘢呀!」
「米奇廚師親親星期天」
日期: 4月及5月~所有星期日
時間: 18:00–21:40(每 20 分鐘一節,每日六節)
地點: 迪士尼好萊塢酒店「米奇廚師餐廳」
每位3 至 11 歲小朋友可由一位家長陪同出席 自助晚餐連杯子蛋糕親子 DIY
自助餐價錢: 成人港幣$498 ;小童港幣$338
大仁生活facebook
熱死戴住個頭套
回覆刪除