不知SY在那裡看到別人到郊外野餐, 他又跟我說:「爸爸! 不如我哋都一齊去大草地野餐啦!!」
要室內商場活動的仁準備郊遊活動, 艱難程度可能直逼同學們考TSA喎... 阿太:「E~我發現係尖沙咀有間有草地嘅Cafe, 抬頭仲有兩間小木屋添架」
我:「咁得意? 我都好想去試喎」, 阿太輕聲偷偷說:「其實係其中三張枱舖咗假草地毯扮郊外啫...頂住先囉」
走到Cafe...SY:「係喎...E度真係有草地喎, 可以踢波添...不過, 又D唔似野餐, 因為無咗張野餐墊」(其實有個坐墊, 扮住先得唔得呢?)
經典卡邦尼意粉$68, 這是全店最便宜的意粉, 味道與街外一般的卡邦尼沒有大分別. 不是不好, 只是就即是食慣的卡邦尼.
SY:「唔係喎, 好好食喎, 好忌廉味, 我鍾意食卡邦尼, 所以覺得好好」(你覺得好食就得啦)
煙三文魚牛角包 ($64), 其實, 現在每次點選的食物都要以SY為愛好, 怕就是他又嫌三嫌四.
SY:「真係好呀! 牛角包同煙三文魚我都鍾意食...」, 一向不愛吃蛋的小朋友, 今日也大口大口的在吃...
我:「D蛋炒得幾好喎, 又唔老...不過, 你又會食蛋嘅, 好少有喎」, SY:「因為佢夾實係三文魚同包中間, 咁我米食埋囉」(之後想你食蛋, 食菜就有方法喇! Yeah!!)
爆脆草地滾球 ($88) , 一個很有Gimmick的甜品. 一隻大白碟上舖了綠茶脆脆, 碟中央放了一個大朱古力波波...SY:「點解咁似我哋坐係E度咁樣嘅?」(即係我哋就係朱古力波囉?)
甜品附有一個小木鎚, 我們可以將波波敲碎, 就可以吃到內裡的餡料, SY:「等我嚟!等我嚟」
敲敲敲, 篤篤篤...SY很興奮的想大事破壞這隻朱古力蛋, SY:「哎呀! 原來裡頭有隻蝴蝶架」
內裡還有咖啡雪糕, 朱古力脆脆, 還有啫喱...SY:「D啫喱好難食呀! 水...我要水...好苦, 好似藥水」, 阿太:「啫喱都會有唔好食咩?」
當我一試, 原來是由白酒造成的啫喱, 太強酒精味, 小朋友當然不愛吧!
SY:「好彩個甜品除咗個啫喱都好食, 如果唔係就真係要扣分先得呀! 爸爸! 今日去完假草, 幾時帶我去真草野餐呀? 」 (吓? 乜今次唔算呀? 仲要去多次架?)
電話: 6693 2896
沒有留言:
張貼留言