今個周末非常熱鬧, 因為七人欖球賽打得火熱...阿太:「車! 你都唔運動嘅...幾多人欖球比賽都唔關你事啦」
我答:「欖球賽梗係唔關我事啦,
但大球場對面印度會, 同希慎都有免費嘉年華,
有得玩就一定關我事呀!」
當我們一走到希慎廣場, 巨型大欖球旁邊, 便遇上扭波波的高轎哥哥.
SY一走到他身旁, 高轎哥哥高訢5秒內扭了一把劍給他...SY即時揮舞大劍說:「電光石火 (咩嚟?)
Pocketmon招式呀!」(你真係中電視毒太深)
希慎前有一個「180° 特效攝影區」, SY一踢踩著欖球, 工作人員:「欖球唔可以用腳踢呀」
SY:「乜E個唔係足球咁踢嘅咩?」, 其實, 未曾看過欖球賽的小朋友也很難明白的...
免費遊戲不止在街頭, 就在希慎大堂一樣有兩個...「滙豐欖球體驗專區」
有得跑有得跳, SY不知多興奮, 還未睇完工作人員示範, 已經急不及待開始...
最快紀錄是12.8秒, 小朋友做到17.4秒, 不過, 哥哥說:「佢跑少咗一個三個杯, 所以犯規要加多一秒」(哈哈!! 小朋友你太心急啦)
之後的比拼速度遊戲「全力衝刺」, 要在指定時間跑最長的距離.
姐姐說:「不如我同你一齊跑啦!!」, 結果, 我沒有想過, 一向精力充沛的SY, 竟然也有氣來氣喘的時候.
SY:「無氣啦...無氣啦...28喎....」, 我問:「28米 算唔算好成續呢?」工作人員:「算好啦, 大人都係跑36米 咋...」(睇嚟這位小朋友真的很搏命喎)
之後由希慎走到利園的恩平路, 沿途也有表現及互動環節...4位非洲鼓表演者, 全副武裝, 落力載歌載舞...
不過, 小朋友有點不會欣賞, 因為他說:「爸爸! 你睇E幅牆都畫咗個波係度喎...」(你都幾好眼...個欖球畫到咁高都睇到)
街頭上還有沿途還有各式各樣的表演, 音樂, 趣劇, 甚至互動雜技, 每走十數步便有新項目,
就連SY也說:「點解之前都無咁多人表演嘅?」(E幾日嘉年華先有呀)
而在利園一期正門的希慎道街頭, 正正就有一個超巨型大電視正在播放七欖比賽, SY:「點解有足球睇嘅?」
我:「唔係足球呀, E個周末打欖球, 所以E度現場直播」, SY:「嘩!爸爸...我好肚餓呀! E度仲有嘢食添呀!, 我想食Pizza」
原來, 這裡有7國小食攤位, 每一個攤位就代表一個參賽國家...英國有雞肉蘑菇批$60、辣烤雞肉串$70 / 3串.
美國小食有辣粟米片配辣豆醬 $60, 美式熱狗配辣豆醬
$50
我說:「你都係食意大利Pizza
$58最好, 熱狗有辣豆醬, 你食一定辣到跳舞」
聞說, 周末還有特別嘉賓現身嘉年華...但是否真有其(奇)人, 則到時考考大家辨認能力啦!!
七欖在利園嘉年華 :
日期：2017年4月8日 - 4月9日
時間：上午10時至下午7時30分
利園區包括：利園一至六期、蘭芳道25號、希慎廣場、利舞臺、禮頓中心及希慎道壹號I.T HYSAN ONE
費用全免 (餐飲需另外收費)
大仁生活facebook
沒有留言:
張貼留言