2017年4月29日 星期六

【免費同動物玩玩】 親親動物月~水瀨握握手 @ 海洋公園

上星期約同豬仔齊齊去海洋公園...SY問我:「今次會有咩玩架?」, 我答:「睇動物呀! (SY:吓? 海洋公園唔係不嬲都有動物睇嘅咩?」


因為4月-5月OP舉行一個名為「親親動物月」的活動, 平時我們只可以遠觀, 今次可以近距離跟牠們玩遊戲...



SY:「我好想同企鵝, 熊貓玩呀!」, 豬仔媽:「我哋好似無BOOK喎, 企鵝$1770(二人/90MINS), 熊貓$2070(二人/60分鐘)喎」


我:「吓? 要畀錢架? 仲要咁貴? 我可以買隻1000%Bearbrick啦...」, SY:「咁即係仲有冇得同動物玩呀?」


豬仔媽:「有D係免費嘅, 但就要就返時間...嗱!前面就有貓頭鷹, 同二趾樹懶啦...」


當我們正想9秒9衝上前合照之際, 工作人員:「唔好意思, 為免嚇怕咗(大B)貓頭鷹, 同(小樹)二趾樹懶, 暫時要保持少少距離影相」


之後, 我們又走了去高峰樂園去看北極狐...我問工作人員:「我哋可唔可以餵佢哋呀?」


他答:「唔好意思, 暫時只係可以隔住玻璃睇我哋餵北極狐, 不過食完嘢, 佢哋會表演玩蒸餾水樽呀」


原來, 蒸餾水樽開了無數小孔, 入面放了一堆食物, 只要北極狐轉出食物, 就可以食啦...


SY:「都係無得同D 北極狐玩嘅??」, 豬仔媽安慰說:「唔怕...一陣4點半可以真係同水獺玩嘅...我哋一陣去啦...」


於是我們吃過小食, 左逛逛, 右玩玩, 終於等到跟水獺接觸的時段...


工作人員首先餵一些小魚給水獺, 之後就問有沒有小朋友想跟水獺踫踫手...SY當然第一時間舉手, 亦有幸被選中...


工作人員給他穿上手套...在極興奮的情況下, 原來, 只是阿著玻璃「交手」(旁邊有人說: 咁好似睇電視D人探監咁囉) :(


原來因為怕小朋友或會傷害了小動物, 所以, 只有大人環節, 才可以與水獺真接觸...


工作人員:「在場有邊位大朋友承諾以後每次沖涼沖少5分鐘...」豬仔媽即時舉手即被揀中...(我心諗:沖涼最少要沖15分先乾淨喎... 潔癖仁應承唔到)


與豬仔媽踫手的水瀨名雄仔...我問:「點呀! 頭先摸雄仔感覺如何?」, 豬仔媽:「好滑呀! 好得意架...最衰小朋友唔畀摸啦」


耍樂的時間過得特別快, 輕輕鬆又HEA了一天, 我說:「走啦...」, 豬仔問:「吓? 我哋就係嚟睇一個SHOW咁就完啦?」


我答:「係呀! 係咪好充實呢?」, 豬仔點點頭:「真係好充實呀! 咁下次再嚟過啦...」(好呀!!)



「親親動物月」
日期: 4月14日至5月14日
地點: 海洋公園
時間: 參考現場派發的時間表


大仁生活facebook

沒有留言:

張貼留言