兩星期得知旺角又有一間新開韓系日式吉列牛專門店, 一聽到吉列牛...心即大躍動, 9秒9約齊朋友去重拾吉列牛的初戀感覺.
朋友說:「嘩! E楝樓間間嘢食都好貴」, 其實, 一份吉列牛定食也只是$148,
算抵食~(如果好食的話)
今晚我們一行6大2小, 便點了3份吉列牛....我問店員A:「你哋D牛係咩牛嚟架? (A:熟成牛)...咁請問係唔係A5和牛呢?, (A:美國牛)」(少少失望~)
套餐到逹, 店員溫馨提示:「大約每邊煎2秒就可以有半熟」, 朋友依莉:「我上個星期係新宿食, 1400円咋, 好Juice, 好鮮紅, 好有牛味...點解E度咁黑嘅?」
我嘗試每邊煎2秒, 半熟程度剛剛好, 但依莉說:「唔係喎, 我嗰件又多筋, 2秒都唔熟嘅」, 應該要用筷子在2秒過程中加壓呀
阿太一邊食一邊搖頭:「我上年去日本,
1200円, 又大塊又腍又無筋」, 依莉接口說:「係呀! 我明呀! 我以為香港貴少少可以食返日本質素, 點知....唉!」
我問在韓國讀書的僑僑媽:「人哋話E間嘢首爾弘大好出名喎, 係咪呀?」
僑僑媽肯肯地答:「我未聽過喎, 可能我讀完書太耐」, 僑僑爸在旁補充:「我哋上星期先係韓國返嚟,
都唔見E間嘢啦」
可能是韓國新貴吧! 我:「不過又奇怪吉列牛應該係日本, 點解叫韓系呢? 」Edward:「港式扮韓式呀! D飯都唔似韓國米啦, 金冠嚟嘅」(我的親人及朋友說話真的很挑剔吧!)
另一招牌咖哩忌廉烏冬 $78, 甫一上枱...搞事的Edward:「哈哈哈...咁似僑僑尋晚嘔出嚟D嘢嘅?」(我被你激C!)
咖喱忌廉牛肉烏冬上面完全被一層白色忌廉包裹著, SY試了一口:「水...水...爸爸, 畀水我...好辣呀!」
依莉接口說:「我係咪要撈勻D忌廉先食呀! D烏冬好鞋, 好多粉」 我吃兩口, 便說:「不如我同大家分咗碟意粉...」大家二口同聲:「唔駛啦..你自己食晒佢啦!」
其實, 我不太明白, 為何質素一般但依然爆棚, 兼排隊輪候人數長期維持10人...阿太:「梗係啦, 又韓又日...乜都被佢玩晒, 我哋都真係以為吉列牛韓國版啦」
Kobekyu 吉列牛忌廉烏冬專門店
地址：旺角彌敦道726號17樓
時間：星期一至日: 12:00-15:00; 18:00-23:00
相關網誌: http://www.dayanlife.com/2016/11/blog-post_10.html
大仁生活facebook
沒有留言:
張貼留言