朋友問我:「無端端點解要去鹽田梓?
有咩玩呀?」因為我想逃離石屎森林,
又只想輕輕鬆鬆, 零難度行山享受大自然...
長洲, 大澳, 梅窩去到悶...所以今次揀去距離西貢市約3公里 , 一條絶對有保育價值的客家村落「鹽田仔」.
船家笑笑口:「慢慢行都係45分鐘就行得晒, 鹽田仔有幾大吖!!放心啦...細路仔行都無問題嘅」
原來這條純樸的小村莊, 保存了不少從前的鄉村味道,
忽然間感到自己很老文青喎!!
小吊飾內的鹽特別粗, 義工姐姐:「真係我哋鹽田梓出產架...」朋友於是買了一個十字架$30.
SY:「E度咁似我學校嘅?」根本從前這裡就是學校呀!
澄波學校旁邊就是建於1890年的聖若瑟教堂, 聞說內裡的玻璃畫是一名學生, 製作出來記念十九世紀來鹽田仔的神父...
離開教堂, 我們聽到好像有女士們在鬧交...「喂!拜拜...走啦你...喂!收聲啦...有隻雀仔跌落水」
之後, 我們沿山路走上山頂, 簡簡單單的不用10分鐘便可以到逹頂端的小涼亭.
我:「嘩!好靚呀! 真係一望無際呀!」阿太:「原來望到對面有個哥爾夫球場架」
走過高山, 往下而行5分鐘, 便到達如同拍攝TVB劇集一樣的玉帶橋. 小朋友很興奮的向前跑...SY及悅悅:「YOHO!!」, 阿太們:「你哋小心D跌咗落海呀!!」
正當我非常享受海天一色之際, 阿太催促說:「你又話要去聽鹽田導賞, 11:30啦, Miss咗就要等到14:30喎」
聞說開村先祖設田曬鹽為生, 產鹽則以水流法, 藉潮漲時海水經水閘流入鹽田, 多餘海水由另一水閘排出, 經過日曬風吹, 便產出海鹽.
導師說他們全部都是義工, 只是公眾假期才回來, 所以平日鹽田仔已經沒有人居住.
隨著導師的眼神遠望鹽田, 情景太似17年前的「茶是故鄉濃」, 遠處應該會有林家棟, 張可頤漫步入鏡吧!
「那些年錯過的大雨, 那些年錯過的愛情, 好想告訴妳 告訴妳我沒有忘記」, 愈來愈愛上鹽田仔這個地方!
價錢貴就是貴了一點, 但離島價錢, 大廚又專誠走入來煮給大家吃, 貴少少也沒有所謂, 一次半次吧!
我懷疑SY遺傳了我的潔癖性格...因為他吃完飯竟然主動向我提議:「我可唔可以去掃一陣地呢?」
我答:「梗係開心啦, 不過, 下次再嚟, 揀坐12點班船, 之後食飽飯, 先參加14:30導賞團, 再輕輕鬆逛鹽田, 坐17:00最後一班船返西貢就最Fit,
因為今日真係超早呀!」
鹽田梓唯一餐廳訂炭燒土窑雞 : 94674448
鹽田梓查詢:
電話:2791-6226
網址:www.yimtintsai.com
$50 來回船票包參觀費用 (2017年1月1日由$45加至$50)
西貢碼頭坐15分鐘街渡即可到逹.
周末及公眾假期: (通記酒家對面上船)
10:00 11:00 12:00 13:00 14:00 15:00
沒有留言:
張貼留言