上星期與一樣住在舊樓的朋友A訴苦:「救命呀!! 你覺唔覺得, 我哋住舊樓, 上網真係死咁滯...」
朋友A:「無計啦, 鬼叫我哋無錢搬咩, PCCW獨市就梗係畀佢玩晒啦, 每2年仲要加你一次價...」
對於8M B龜速, 用MyTvSuper一定唔可以開電腦,
UP一條片耗2小時已是平常事...
朋友A忽然說:「之前我索性攞D片返公司UP, 5分鐘攪掂, 後尾有同事教我, 買部用SIM卡嘅Router, 直情用手機SIM卡上網, 咁就唔駛被PCCW揸頸就命囉」
朋友推介我用NETGEAR , 他說:「係貴D但穩定, 好過你買平D, 但係用半年又壞, 到時又要換就仲死」
老套仁仍然是一心以為買電腦產品, 一定是去深水場腦場吧...問了數間電腦店, 也找不到朋友介紹的NETGEAR Nighthawk R7100 型號.
終於, 找到一間有售$3588,
問店員拿上手看一看...心想:「嘩! 有冇攪錯, 個Router成盒超合金魂咁重」(當然影張相畀朋友A睇睇先....)
可以用信用卡, 又有送貨, 最重要「平」, 付款後等2日也絶對不是問題.
買了Router, 於是便去鴨寮街找上網SIM卡, 其實, 鴨記有很多選擇, 今次買了兩張分別是CMHK $80無限上網, 及「3」6G B $80.
其實, 應該要買無限上網的選擇,
但因為我的PCCW 8M B 寬頻要到6月才滿約, 所以, 今次也只是簡單作一個測試.
我用了12年的PCCW上網速度: 5.61 Download 0.62 Upload
CMHK $80無限上網速度 : 3.49 Download 3.57 Upload
「3」6G B $80速度: 9.82 Download 26.88 Upload (嘩! 極速享受呀!! 可能只有6GB, 之後就被CUT 卡呢)
單單就是$80的SIM卡, 上載速度已經超越PCCW的5倍, 但價錢只是我現在上網月費的1/3.
當然, 下載速度明顯較PCCW慢了一點, 但其實也不是慢得太離譜. (當然, $80一定不可以和100M 的新樓朋友相提並論)
SY:「爸爸! 有個3字嗰張卡好快呀!」(鬼唔知咩, 但係佢得6GB, 我UP唔夠20條片就用鬼晒)
不過, 我認為市面上應該有其他選擇,
這個我最愛做的「格價專家」角色, 就是未來2個月, 我在滿約前的重要任務啦!
我一定要在暑假前, 大大聲跟PCCW講:「拜拜你條尾!」
「唔駛去淘寶, 唔駛去深水埗, 仲送埋貨」, 其實, https://netgear.anlander.com 碌卡又不收手續費...黃金, 高登真的食水好深喎.
沒有留言:
張貼留言