【30吋大過塊面】點住唱嘆超巨型Pizza @ Checkmate

話說上星期在黃埔奇趣天地「巡視業務」完畢後, 經過前面一間新開的薄餅店, SY:「嘩!個哥哥係咁拋個Pizza喎」

店內除了有師傅不停在即場表演「造」Pizza外, 還有即場點唱環節...唯一問題, 就是全店也是「講英文」

我跟駐場歌手說:「你識唔識唱中文歌?」, 她點點頭...之後便用近乎純正的國語唱出「只少還有你」~英文併音唱國語真的悅耳.

點唱完畢後, 我們一邊揀Pizza, 一邊繼續欣賞師傅的鬼斧神工造Pizza.

SY:「爸爸!真係咁大個Pizza都有嘅?」

之後, 我八卦問店員, 他說:「我哋嘅30吋Pizza應該係全港最大」

SY:「爸爸! 我想試下食一角」, 於是我便買了一角夏威夷$40給他.

其實, 單單一角Pizza, 已娙較SY的臉+頸為之大了, SY:「Hello! 我係Pizza人呀」

我承認我是一個不懂吃Pizza的仁, 因為我只愛吃厚批, 而這裡的批只有一款, 但不算太薄, 真的很怕薄如餅乾的餅底...(Checkmate的可以再厚一點會更好)

阿太點了:「菠菜軟芝士意大利餃子 $90」, 因為她想吃菠菜.

應該是沒有肉的餃子, 充滿芝士, 充滿菠菜, 阿太:「又健康又邪惡」, 我:「我都係鍾意我哋食開嗰D傳統餃子多D」

阿太:「你唔識食囉, 攞件蒜蓉包嚟送, 真係幾特」

16吋原個自選6味Pizza $210 6款口味: 辣肉腸, 莎樂美腸, 蘑菇, 菠菜, 蕃茄, 菠蘿.

阿太:「點解你自選唔點一個Slice就算呀!」, 我:「小組, 自選人哋點會同你做一角吖, 一定要成個, 我已經醒目叫16吋, 最細Size呀! 30吋真係嚇死人」

Pizza上枱配會一個小鐵架, SY笑笑口:「HE~HE~好似好威水咁~」

薄餅本身加上不會太酸的番茄醬, 而且餅底本身焗得不太乾身, 辣肉腸配菠蘿, 絶值一絶.

SY:「爸! 我一個人食晒個30吋Pizza啦...」(其實, 佢只係食咗一個Slice, 但已經好叻, 因為佢個肚真係突晒出嚟架)

我問:「我哋個自選辣辣甜甜, 你要唔要試下?」, 尷尷尬尬的SY:「多謝啦, 我諗我見到Pizza都怕怕啦!」

Checkmate Pizza
紅磡必嘉街92-112號地下14A舖
2244 6999


大仁生活facebook