一連三日, 台南美食節又回來了...過去兩次也被熱情的台灣店主深深吸引, 於是今日帶同SY齊齊到鑽石山, 食盡台南好東西!!
朋友E說:「賣糯夫米糕個老細超靚仔」, 我:「等我去睇下先」
朋友E:「聽講靚仔日日踩住單車賣米糕,
台灣人要日日Check 住佢Facebook,
先知佢去咗邊, 同埋每人限買2碗喎」(有冇咁勁呀?)
當我走到單車前, 嘩!! 店主真的很靚仔喎...我問:「請問怎稱呼呢?」, 店主:「叫我阿劉...不, 都是叫我糯夫吧」(咁樣食字好似唔係咁好喎)
原來, 只賣了年半台灣糯米飯的阿劉,
因為怕傳統美食失傳, 於是便向80歲的婆婆學造米糕.
阿劉:「我的糯米飯用了麻油及米酒,
所以跟香港的不同味道呀!」
僑僑媽:「佢D糯米飯加咗豬軟骨, 好香麻油味, 連僑僑一個人都食晒一碟仔呀!」
我說笑:「僑僑你食完要嫁畀阿劉喎...」誰知2歲的僑僑真的似懂得我的意思, 搖搖頭極不捨得的望實媽媽,
十分攪笑.
「阿杰手工蛋餅」由恩愛的蔡先生夫婦合力打造, 蔡先生:「我是台東人, 家人20年前已經賣蛋餅. 後來我去了台南, 當地又沒有這種傳統小食, 所以我便帶過當地賣」
我問:「點解你寫~要等一輩子呢?」, 蔡先生:「因為我們全部也是手工製作, 蛋餅也是即點即下鍋, 所以造得比較慢, 所以就要等一點時間」
這份由兩夫婦合力炮製的蛋餅, 原來連中間的豬肉也是經他們醃製一天才賣給客人. 難怪SY說:「真係咁多檔最好食就係E份蛋餅」
聞說台南朋友每次也要輪候一小時, 不過, 今日這裡的人龍亦是8檔中最長的喎.
《等天光三明治》的黃先生笑笑口對我說:「請試試我的酥炸思慕魚柳,
一定要伴我們秘制的塔塔醬喔」
我問:「點解你店名叫三明治,
但係賣炸魚呢?」,黃先生:「我真的賣三明治, 不過帶來香港不太方便, 所以就只推廣炸魚柳, 一條魚只有兩條魚柳的喔」
虱目魚柳粘上麵包糠來炸, 聞說是以 180度滾油炸 1分鐘, 果然單純吃炸魚柳太自然,
配上塔塔醬的酸酸甜甜, 特別得多...
所長茶葉蛋的Jessica非常善淡, 我問:「你們的茶葉蛋味道真的與我們香港的不同」
Jessica:「因為我們實際是用十多種藥材製作茶葉蛋呀!」, 她們的冷茶葉蛋配熱辣辣的豆腐乾, 非常有特色. 冰火感覺很難忘.
阿太:「嘩! 佢有D酸菜放咗係個暖笠笠嘅豆腐乾入面好正...佢D茶葉蛋入味過香港嗰D好多呀!」
原來所長從前真的是警員, 退休後便賣銷魂豆腐乾,
我問:「食完係米真係會好銷魂?
」, Jessica 與Amanda答:「你同你兒子一定剛剛食完, 真的很銷魂呀!」
碗開富粿的招牌碗粿是全場阿太唯一添食的小食....阿太跟林老闆說:「因為我好鍾意食鴨蛋呀! 」
林老闆是第二代接班人, 老店開業38年, 每天只由早上6時營業至下午1時, 林老闆說:「台南人一般當早餐食」
阿太說:「真係有D似我哋嘅砵仔糕, 不過係鹹嘅」, 以傳統方法研磨成米漿,
熬燉的肉燥伴炒香過的香菇、秘方醃過的肉片, 再加靈魂鹹蛋黃...
林老闆說:「一定要再加上我們秘製濃郁的蒜泥醬料」...老老實實, 非常飽, 絶對豐富, 其實一碗三個人分享最好. 如果一人一碗當早餐, 照常理下午茶也可以不用吃.
一點刈包...熱辣辣的刈包, 我們去年也在灣仔吃過, 但「刈」(音:割) 字就突然忘記了怎樣讀...
聞說已經開業24年的《一點刈包》, 是「成功大學」的學生們, 一種美味回憶.
我問已經幫手十年, 第三代傳人王小姐:「咁你賣刈包最難忘回憶又是甚麼?」
王小姐:「曾經有一位男生說刈包很好味,
一口氣吃了五個, 平常一般人也只是吃兩個...」, 我:「會唔會他喜歡妳, 想多見你長一點時間, 所以點5個呢?」(王小姐搖頭: 不會..不會)
刈包選用實而不華的配料, 有酸菜、小黃瓜、花生粉,
李小姐:「我們的滷三層肉是用碎肉的,
精選肥瘦比例, 所以較其他的更入味及香口」
不肥膩的刈包, 原來連兩位小朋友也非常鍾愛,
SY:「我不嬲都鍾意食刈包啦..」而僑僑更大口大口的吃到連鼻頭也沾滿花生粉.
我:「不如撥走晒D花生粉啦....」僑僑爸:「頭先老闆話花生粉先係最好食架」
今次8款小食都是台南有名的長龍店,
今個公眾假期, 一連三日, 大家即場捐款 $20 予港澳台灣慈善基金, 就可以換領一份美食, 食齊8款捧住一肚滿足離開都只是捐$160, 絶對跟我的國語一樣「爛!」(抵到爛!! )
台南街頭小食節
日期: 2017年 4月 15日 ~ 17日
時間: 12:00 ~ 19:00
地點: 鑽石山荷里活廣場一樓
方法: 即場捐款$20予港澳台灣慈善基金會,即可換領小食一份。(數量有限,先到先得)
大仁生活facebook
沒有留言:
張貼留言