麥當勞自助點餐機?? 我兩年前已經玩過喎, 而且3款 The Signature Collection 新包, 2016年年底都食過...點解朋友E仲介紹我來呢? Old news is so...
朋友E:「嗱! E三款包會變做以後餐牌都有, 而且特別60間EotF麥記, 你仲可以用自助點餐機「拆散」佢哋, 以你心水配搭口味」
這3款包(單點$29.8), 「芝味磨菇安格斯」(加$2) 之前經常食, 但好像未有130g 如此厚；Bagel面的「清新田園烤雞」；對我來說是超辣的「狂惹火辣脆雞」.
我揀了香軟飽配牛, 但因為愛吃菠蘿, 所以揀了狂惹火辣醬, 但選少少少辣, 不過, 今次的自選機不能額外加配料, 本來我想另加菠蘿, 及蘑菇呀!
可能吃慣了磨菇加松露配牛肉, 今次用少少辣加菠蘿一齊吃,
新鮮感十足, 驚喜！
朋友E:「晚上6時後更有送餐服務, D麥當當姐姐都幾靚吖」, (我心諗...乜咁OUT架...朗豪坊店一早已經有送餐畀我架啦)
朋友E:「喂! 阿仁你有冇叉電線呀? E度有得叉電」, 我:「好喎...再唔係要用嗰隻無綫飛碟仔啦...YEAH! 不過, 我只係得三叔線咋, 我無艾窿」
原來, 現在藍田店也有育嬰室,
我對朋友說:「啱晒你喎...」, 朋友E:「僑僑都就嚟3歲, 仲餵奶咩 .... (我意思係你嚟緊僑僑個細佬呀)」
之後, 有小朋友在麥當當另一邊玩到哈哈叫...原來這裡也有如同太和, 及元朗的兒童互動區.
店員答:「係呀! 點解你咁清楚, E度真係我們第三間有小朋友互動區嘅分店」
我即時WHATSAPP豬仔媽告訴她:「喂你屋企樓下間麥記有新嘢玩呀...快D帶豬仔落嚟玩啦...」
誰知她回我:「三個月前裝修完就已經有,
我個個星期都嚟喇喎, 你係米玩嘢呀?」....UM~UM~我第一次來這間麥當勞咋...
The Signature Collection 3款新包
推出日期：9/3
地址：全線分店
大仁生活facebook
沒有留言:
張貼留言