其實銀魂入面, 我只是識「定春」, 因為我覺得這隻會咬人頭的小狗很可愛...
走進Cafe, 我問朋友E莉:「點解得伊莉莎白, 定春呢?」, 店員答:「因為今次係『將軍暗殺篇』呀」
我們先點了飲品中最煞食的「伊莉莎白抹茶奶葢 $40」, 及「冲田 珍珠奶茶 $32」.
雖則冲田的奶茶沒有甚麼特別, 但伊莉莎白實在太可愛,
我說:「E莉你飲伊莉莎白個嘴都變到有D似佢咁...(伊莉:吓...唔係掛, 我咀都無咁粗)」
「阿妙墨魚蛋包意粉 $78」是E莉指定要食的選擇, 我話:「黑忟忟, 好恐佈呀! 咩嚟架?」
E莉:「阿妙煮嘅係咁上下架啦...暗黑料理囉, 近藤都唔知食得幾開心...其實鹹鹹地, 仲有D菇菇...都...幾...好...食...嘅」(妳口震震喎)
如果E莉食的是地獄料理, 我的「伊莉莎白菠菜咖喱飯 $75」一定是天堂...
愛叢林的伊莉莎白, 清新的菠菜汁混入微微辣的咖喱,
先為伊莉莎白飯被上全新綠咖喱, 飯底還有豬扒粒...好食, 好醒神, 如果再多一點豬扒就更完美啦
「宇治銀時 $48 」是E莉要學銀時一樣而點的, 她說:「我要做糖分呀!!」
我扮土方答:「不如我幫你落D蛋黄醬啦....咁先係最有靈魂嘅食材喎...」
E莉邊食邊不理我地說:「原來唔係全部都係紅豆蓉嚟架, 個底係抹茶Tiramisu嚟呀...(我:我幫唔到你, 我最憎食紅豆)」
Youme cafe 上年的小櫻主題做得非常出色, 今次的銀魂一樣每款食物也有故事, 有靈魂, 我對E莉說:「真係好過嗰D插支旗又話係主題餐廳嘅Cafe多多聲」
E莉:「你唔好戴咗新八副眼鏡啦..」, 我:「我想做萬事屋成員...」(不過, 原來我載咗眼鏡個樣咁鬼老)
每點一款食物/飲品, 都可以有一次抽杯墊機會, E莉:「我終於明白點解其他人一次過叫3杯嘢飲啦...」
一套13款杯墊, 現場不少粉絲即場將重複交換喎...
現場今日還有7場遊戲玩, 我們的一場便是全場人齊齊玩包剪揼...勝出可以得到非賣品銀魂卡.
主題餐廳真的要有互動元素才更吸引, 其他的主題Cafe真的要學習學習一下啦!!
Youme cafe x 銀魂
沒有留言:
張貼留言