一間夾雜了粵語片時代裝修的小店, 舊花紋併合地磚, 暗地板, 古木牆身, 一齊粗糙得來但又配上新潮的大紅招牌.
三位身穿鮮紅短Tee制服的店員, 其中一人向我推介:「試唔試下我哋D炸魚呀? 真係今朝漁民新鮮打返嚟架」
甫一入店, 即時感到濃濃的海鮮香氣,
很地道的小店, 卻播放著強勁的搖滾流行曲,
我大聲說:「我想要一份炸魚, 今日係用咩魚呀?」
負責人Marco答:「長洲懵仔魚」....其實, 我聽也沒有聽過, 不過, 我見新鮮的魚肉, 即點即切即炸, 非常有誠意.
八卦的我又來發問:「E度係你哋幾個拍檔新開架?」, Marco:「我哋一家人開嘅, 因為我哋係長洲人, 想介紹畀遊客食到本地最好嘅海鮮」
我:「咁你哋自己出埋海打魚?」, Marco笑笑口:「我哋開舖呀...唔駛自己出去, 我會每朝去街市睇下咩魚係嗰朝最新鮮, 就買嗰D囉...所以, 我哋個餐牌日日都唔同呀!」
招牌黃金海魚$40, 他們會多放三粒提子, 及一條小小醃黃瓜...店員上枱前, 還會將檸檬磨出大量粉末,
舖在炸魚上, 令味道更加突出.
Marco:「你試下食一舊魚, 再食一粒提子, 感覺都幾似食甜品, 係我諗出嚟嘅」
我還是第一次以提子, 醃黃瓜配炸魚, 原來真的很清爽, 魚與水果的味道都很夾喎, 而且相隔來吃, 感覺很有趣, 而且好像變得「熱氣拜拜」喎.
長洲魚仔濃湯$25, 非常香甜, 阿太:「好似婆婆煲嘅魚湯一」, 太心急的SY大口一呷, 即時熱到舌頭...
我:「你點整到D湯唔腥又咁甜?」,, Marco:「今日用角魚, 每日D魚可能都唔同, 但就會用十幾斤熬足3-4個鐘」加入了不少紫菜的魚湯, 真的無得輸...
至於釣筒鮮魷$40, 可能之前的懵仔魚, 及魚仔湯太出色, 反而不是太驚喜, 但阿太說:「都唔係吖...咬咬下又幾鮮味呀! 又食酸瓜, 又食提子, 都好醒神喎」
珠玉在前呀! 想不到黃昏6時, 小店也一樣人山人海...為吃好東西, 棄快船而坐慢船也值得的. 船上瀏覽「漁樂」資料, 原來Marco是前商台DJ喎. 真的有眼不識泰山!
沒有留言:
張貼留言