我家有一位喜愛住酒店, 但害怕坐飛機的小朋友...我跟他說:「去日本米可以住酒店, 幪面超人玩具又新又平,
你唔鍾意咩?」, SY:「我鍾意日本, 我都鍾意住酒店, 但我驚坐飛機呢! 要坐飛機我情願唔去」
阿太問:「點解要揀E度呢?」, 我答:「阿囝成日見子子去露營, 佢又心思思...你知我有潔癖架啦, 露營要瞓街, 米攪我, E間酒店好正, 家庭樂房間有一個營幕, 咁等SY自己露過夠囉」
果然本來已經興奮得不得了的SY, 一打開房門發現一個大營幕,即時高8度大叫:「E~點解有個露營嘅...」, 之後便9秒9衝入營幕...
SY:「哎呀! 原來仲有一副飛行棋呀! Yeah! 我要Set好個研究室先得. (E個營係你嘅研究室?)...梗係啦, 媽媽, 我哋一齊係研究室玩飛行棋啦」
因為酒店房間包下午茶, 小朋友在帳篷內玩過不亦樂乎,
於是我說:「如果你唔離開研究室,
你啲Tiramisu啦, 朱古力啦就畀人食晒架啦」
這位甜品愛好者又怎會錯過嚐甜的機會呢?
下午茶三層塔, 鹹品有三文魚芝士酥, 及羅蘭士撻...SY笑笑口鬼馬說:「係米羅蘭姐造架...哈哈哈」
正當我左影右影之際, 阿太與SY已經不停吃馬卡龍, 乳酪撻, 我說:「你哋未食晒鹹就食甜嘅?」, 一老一嫩二口同聲答:「留返畀你食呀...我哋食甜就得啦」(咁都得呀?)
吃飽飽...我們便乘的士過下白泥看日落...SY:「坐的士米好貴?」, 我答:「坐33號小巴, 三個人也要$33, 酒店姐姐說的士大約20分鐘, 應該約$60」
結果, 真的只用$65, 我們便抵達下白泥, 不過, 當日天氣不佳, 只有12度的寒冷天氣, 下白泥的泥灘上, 連同我們三人也不足十人.
天氣太寒冷...天色又不好, 我們逗留了一小時也離開, 沒有日落的下白泥, 有點點遺憾.
回到酒店...阿太:「我去焗桑拿, 你陪SY玩露營啦...」, 兩父子本來以為可以有2小時的「自由」時間.
誰知還未過了半小時, 阿太便又現身房間...我:「咁快就焗完嘅?」, 阿太:「D工作人員都係話焗15鐘就好架, 不過, 真係好舒服, E家成個人精神晒, 我諗住聽日再焗多次」
第二朝早餐供應時間至10:30, 所以09:30走到餐廳, 還可以有一小時慢慢歎自助早餐...
SY望著自助班戟機, 非常雀躍, 他說:「爸爸,好玩呀! 你要唔要食多塊? 撳一下就可以造一塊吖」
有中式點心, 有西式火腿, 腸仔, 蛋等等, 吃飽飽之後, 一老一嫩又再急不及待的各自去找節目.
阿太再次挑戰桑拿, 而小朋友則走到兒童遊戲室玩波波池.
原來, 這個遊戲有一個不斷播放卡通片的大電視, 應該就是給等候的家長觀看, 但我沒有機會看, 因為SY不停叫我:「爸爸...一齊玩啦, 唔好掛住睇電視啦」
玩了差不多一小時, SY說:「不如返上囉, 我有D唔捨得研究所, 我想再同佢玩多陣?」 (吓? 個帳幕係死物嚟架喎?)
幸好, 酒店可以最遲14:00才退房, 本來, 小朋友只是說玩少少時間,
結果「不捨得」, 又「不捨得」的來來回回扮露營也可以玩足一句鐘.
最後, 有小朋友在極不願意的情況下,
被我迫離房間, 臨走前SY竟然對我說:「不如我哋都買返個研究所放係屋企囉」(咁我哋之後行都唔駛行都似)
原來, 在天水圍去新界西一些觀光景點也十分方便, 例如往濕地公園, 在酒店只須乘4個輕鐵站, 大約20分鐘便可到逹.
SY:「都唔遠喎...不過, 如果個站係正濕地公園大門口米仲好」(係囉...要專登兜上天橋又行返過對面,
少少設計上嘅瑕疵啦)
而天水圍站旁邊又有聚星樓, 鄧氏宗祠...SY:「爸爸! 咩意思?」, 我:「因為整條村都姓鄧, 所以就叫鄧氏宗祠囉」
SY指著地下一個古井說:「嘩! 個窿咁細個, 不過有咁多大大條嘅魚嘅?」(係囉, 點解會有咁多魚呢?)
行行走走之際, 阿太忽然大叫:「哎呀! 原來華嫂冰室就係E度咋喎, 我都未嚟過添」,
無問題, 就在旁邊的合興買點花生糖充飢,
老闆:「你好彩, 我本來閂咗, 今日要等朋友....」
本來不太愛吃花生的小朋友, 肚餓的時候, 原來也可以吃得「JET JET」聲...
今次行程實在太充實, 新界西兩天遊, 簡直如同一個短線精華遊一樣...阿太:「不如下次Book多晚酒店啦...等我被你趕完鴨仔, 都可以再焗返個靚桑拿Relax下麻」
嘉湖海逸酒店
香港新界天水圍天恩路 18 號
電話：2180 6688
電郵：rsvn.hprc@harbour-plaza.com
大仁生活facebook
沒有留言:
張貼留言