以往每次去海洋公園, SY都問我:「點解佢哋7點咁早就閂門嘅?~真係懶!!」...當年, 沒有地鐵吧! 去OP如同入長洲差不多.
不過, 自從地鐵通車後, 現在就連張繼聰都叫大家去Ocean Park ~Chill Out @ The South...嘩! 夜浦海洋公園都得啦!! (至4月17日 ~特選19天)
因為夜浦吃喝玩樂, 所以與朋友齊齊玩, 總會比較帶SY好...所以, 昨晚就變成為大仁的Chill Out 狂歡夜!! YEAH!!
其實, $168 入場費, 最早黃昏5時可以入園, 包$ 50 元食物Coupon, 雞尾酒一杯, 還送一張回程地鐵車票, 老老實實, 我與朋友都說:「真係幾鬼抵喎」
朋友A:「嘩! 原來唔少嘢喎, 有咁鬼多檔嘢飲, 同嘢食喎」, 我問場內人員, 今次一共有多少攤檔呢?
工作人員說:「29檔, 11檔酒, 12檔食, 6檔手作」, 要吃, 當然就揀最推介的選擇吧...工作人員說:「你去【怡慶坊】嗰幾檔食先啦...」
我對Kathy說:「嘩! 灣仔間築地都有嚟擺檔喎...我想食「鐵板龍蝦露筍車厘茄
$150」」(★★★★✰)
Kathy :「我試鐵板炒帆立貝露筍 $90 」(★★★★★) , 我問師傳:「你哋D帶子咁肥美, 但係就平龍蝦一半, 我E家覺得食龍蝦好似唔多抵」
師傳:「龍蝦你係灣仔食唔到咁煮架,
而且我哋畀3/4隻龍蝦你, 如果畀多一舊就已經係一隻架啦」
可能, 我愛龍蝦的肉質, 而且炒得比較入味, 不過朋友A及Kathy卻說:「帶子甜得嚟又彈牙, 你個龍蝦炒得老咗少少咁...」(係咩? 老老地, 又幾好食喎)
築地‧山貴水產市場@灣仔 (必食1)
之後我們走到旁邊一班非常有活力, 非常開心的年青人檔位...女廚師:「試下我哋D魚餅, 同埋雞軟骨吖」
我問有何特色呢? 女廚師續說:「魚餅我哋浸足一日, 雞軟骨就同出面味道唔同, 因為我哋用自家味粉整過嘅」
湯水專家Kathy:「佢哋D雞軟骨真係多肉過出面街喎」, 我:「魚餅又的確浸到好入味...不過好似有少少鹹, 我想食D甜嘢」
小判天魚餅 (3pcs) $40 ★★★✰✰
秘制燒雞軟骨粒 $60 ★★★✰✰
和匠日式燒肉店@佐敦 (必食2)
朋友A:「隔離一粒粒嗰D係米甜架? 抹茶蕨餅 喎...」, 一聽到「蕨餅」2字...蕨餅怪如我即時彈到旁邊檔.
原來Kathy亦是「蕨餅怪」, 她已急不及待付款...老板娘:「京都傳統手造甜品, 寒天加
蕨樹汁液做粉而成....」
我其實不用理如何製作, 我只知道好味道, 及有人在跟我爭食...
我問老板娘:「我成日去你哋K11樓下買喎...$48蚊都無咁多喎...」,笑笑口的老板娘:「難得嚟做推廣呀...送多三舊比你哋啦」(嘩! 發逹)
抹茶蕨餅
$40 ★★★★★
如水亭@K11 (必食3)
原來, 每晚有一場傳統太鼓表演,
正正就在我們【怡慶坊】旁邊...
其實, 太鼓以前打機就玩過, 坐正正, 又男又女齊齊打真的第一次看...Kathy:「嘩! 大隻佬呀!」
真的肌肉小鮮肉喎!! 最後與各太鼓之逹人集郵時...台下有人大叫:「你都除衫啦...」心諗:「吓? 得棚骨, 肚腩又大...咪玩我啦」
打完鼓, 我又開始「肚打鼓」...
於是我們又走去覓食, 原來, VIP門票人士($688/$788), 可以走到「海洋奇觀」餐廳食自助餐...
朋友A:「嘩! 影張相都得掛...我都想坐係D游嚟游去嘅魚前面食自助餐」(
咁你畀多5舊水囉, 仲有Parma Ham即切即食添)
之後, 我們又走到水池旁另外的檔位幾續醫肚...餃餃餃子的GiGi叫我:「大仁, 我認得你呀!」
沒有錯, 因為去年我到她們灣仔店食餃子,
自己大意掉了阿太的杯緣子, 還請GiGi幫手連垃圾桶也尋覓...如此尷尬的事, 真的不好意思.
GiGi:「大仁, 有冇興趣試試我哋為海洋公園特制大阪燒餃子呀?」, 門市沒有, OP限定, 我當然要試呀!
就在Kathy付款完畢, 我又忙於拍照之際, 朋友A說:「哎呀! 好彩我哋早少少買咋...Sold Out囉」, GiGi:「今日真係好犀利, 我哋平均一個鐘賣1000隻」
大阪燒餃子 $60 ★★★★★ , 對於一個又愛吃大阪燒, 更愛吃餃子的仁來說, 無與倫比, 實在太幸福了...一口一次過可以滿足兩個願望.
餃餃餃子@灣仔 (必食4)
Kathy :「嘩! 阿仁, 點解嗰邊排晒長龍嘅?」, 一見人龍...八卦的我一定去看...原來, $100有一份A5薄切和牛, 當然要快快排隊呀!
師傅一邊炒牛粒一邊說:「唔好意思, 今日500件A5都賣晒, 唔介意要A4一口牛柳粒, 好嗎?」
沒有辦法... 隊已排, 又想吃, 於是便點了一份牛柳粒, Kathy:「不過, 我唔食牛喎, 你同A食啦...」
朋友A:「A4真係差少少, 韌韌地又有少少筋」, 我猶豫:「但係我嗰舊好腍, 好嫩, 好入味喎」
Kathy:「應該係你食到中間位, 阿A就食到側邊位囉...」, 以一碗計算, 大約8成也屬中間位置呀!
A4一口牛 $80 ★★★★✰
小樽屋食品@荔枝角 (必食5)
朋友A:「原來Lab Made都有擺檔喎...」, 我問:「比利時D班戟真係細舊D咩? 無去過比利時唔知道」
負責人聽到答我:「一口班戟麻...」我不知道不同地區, 班戟就是不同大小吧.
Kathy一邊食一邊說:「我只係知,如果我煎會好食過佢囉」(
咁我幾時可以嚟黐餐吖?)
比利時迷你班戟$40/6pcs ★★★✰✰
Lab Made@大坑 (鍾意就去食囉!!)
我還未繼續答口, 朋友A已經手持一盒特色蔬菜壽司拼盤$120 回來...我說:「你D壽司乾爭爭??」
朋友A:「係齋嚟架, 最後一盒, 本來$120, 我得$110, 佢話賣埋畀我」, 我皺一皺眉, 吃了一口, 面有難色...
Kathy:「人哋話明齋, 就梗係Dry啲啦...不過我哋食龍蝦都係$150, 佢E盒嘢要$120...哈哈, 係你先會買囉」★✰✰✰✰
最後, 我們想去試酒, 一支買不起, 一杯$20-$60, 可以慢慢飲...誰知傳說的「十四代本丸特別本釀造~ $60/杯」一早已經試完
我:「吓? 咁點算呀?」, 店員:「其實E隻七賢 $40/杯 都唔錯架, 女士就飲梅酒, 或者E支得5%酒精嘅都好好味」~ (豬仔媽偷飲酒...)
而我當然亦要慰勞家中太座, 所以買了一樽靚靚賣相的梅酒回家...Yeah!! 今晚, 又飲又食...沒有醉但一樣可以坐免費地鐵回家(入場卷包回程車票)
日期:
3月17日 ‑ 19日, 24日 ‑ 26日,
3月31日 ‑ 4月4日, 7日 ‑ 9日, 13日 ‑ 17日
時間: 17:00 ‑ 22:00 (周末延至23:00)
門票：$168 (VIP門票：$688 / $788)
大仁生活facebook
沒有留言:
張貼留言