魚子媽早前通知我:「幪面超人鎧武會主題餐廳呀!!
不過, 好似話本來有幪面超人,
E家無咗」. 沒有集郵機會我也不想去了.
但前日魚子媽又帶了子子去食, 之後告訴我:「原來每逢周末都有超人出嚟呀! 同埋每份超人餐都送一個Lock Seed 或一包卡」
這段Whatsapp給SY看到, 他瞪大雙眼:「爸爸...我好想去呀! 我想要卡呀!」
於是, 星期六我便被迫要去為兩包卡而食超人餐...而原來, 舊吉之島大翻身後, 本來的MosBurger就變了「鎧武主題店Cafe」
一到達Cafe已經看到一枱枱的家庭客人,
看來全餐廳也是24孝父母陪太子朝聖喎.
負責人:「每點一份超人餐就可以同超人合照啦, 今日有兩位超人分別唔同時間出場」
其實幪面超人正餐只有兩款, 「鎧武汁燒牛肉配刈包
$98」及 「鎧武極鎧甲套餐 $78」.
SY一看到鎧甲套餐 的盒非常興奮:「嘩! 係米可以送畀我哋拎返屋企呀?」(梗係齋睇, 無得攞走啦)
當你過來的目的只是集郵, 及為了看到阿囝因為兩包卡而展露出滿足的笑容, 食物的味道, 賣相, 已經不太重要.
嚴格來說食物是合格的, 食氣氛就勝於一切, 雖然有點貴...SY:「好抵呀! 一包卡都要賣$20, 而家送畀我喎」(你梗係抵得過啦...人哋一早將個成本打咗入去啦!)
不過, 我最鍾情的就是「沙律吧」,
只要加$12 就可以任添一次. (雖然只有6款選擇, 但總好過無)
我跟SY說:「爸爸細細個, 最鍾意就係去Pizza Hut畢「沙律吧」, 可以同枱鬥高」, 阿太:「乜Pizza Hut有「沙律吧」咩?我都未聽」(你咪扮細啦, 姨姨)
今日我們分別可以跟鎧武及香蕉集郵, 不過, 我發現小朋友比較愛打卡機多一點...
我問:「你唔係好鍾意幪面超人咩?」, SY:「我E家鍾意打卡機多D, 因為我可以控制佢...因為....」(下刪100字)
負責人:「我哋會一直做到5月尾, 而今個月底就有新幪面超人出場, 遲D或者可能出晒4個添」(嘩! 咁即係我要嚟多次?)
大門 Family Cafe (黃埔花園)
黃埔花園第5及6期船景街10號 AEON Style
3月份逢星期六及日 (除3月25及26日外),鎧武及巴隆輪流登場:
星期六
12:00至16:00 及 17:30至21:30
星期日
12:00至16:00 及 17:00至21:00
大仁生活facebook
沒有留言:
張貼留言