話說2015年11月, 7位資深的娛樂記者, 在我家附近的活化唐樓中, 合力打造了一個~回到我們最快樂, 最黃金歲月的展覽.
當時, 好高興認識了德哥, Raymund, 最記得展場中Raymund說:「嚟緊可能會有下集, 我哋都想快D攪」
但想不到一等便等了年半...
不過, 回頭望過去, 總覺得時間過得太快, 不要說「第一部曲展覽」與現在已經相隔16個月; 正如展覽中的舊照, 舊物全部也是20年, 甚至30年前的事, 但全部好像就是剛剛發生完一樣.
1992年入行的德哥, 由菲林機年代見證娛樂圈到現在, 一直在忙的德哥猶豫說:「死喇... 唔夠位擺達明張相出嚟添, 揀咗唔貼出嚟, 好似好嘥, 放邊個位好D呢....」
我問:「今次作品同上集會有咩唔同呢?」德哥:「好多個都無出過囉, , 霆鋒, 梅姐, Kelly...只係李若彤, 李嘉欣太鍾意就再出多次」
德哥會將每幅相的拍攝時間, 地點也會同時貼出來...整件事變得很立體.
我對著90年代五位樂壇紅人的照片重複影完再影, 德哥好奇問:「你好鍾意佢哋呀? 影兩, 三次嘅? 」
我:「你頭先都未將個解釋貼上去! 」, 德哥笑兩笑:「你唔睇資料都知佢哋係邊個啦...(我:但我唔知你幾時, 同埋係邊度影吖麻), 咁又係」
我將相片給我1993年出世的同事看, 她問:「金色嗰盒係咩呢? (對! 青年們又怎會知道...當年無得上網, 我們要靠錄影帶才有娛樂呀!!)
元綠早已消失得無影無踪, 印象中...元綠本來應該是元氣的對手, 不過好像也消失近20年. (其實, 我覺得一D都唔好食, 但原來黎生都做過佢代言人喎, 真係唔知道)
今日「娛記正傳2」上, 我終於遇上年半前未能認識的Mandy Wong (俏巴啦), 她忙於整理其經典回憶百子櫃.
我問:「點解你可以儲到咁多舊嘢嘅?」, 她笑說:「我得閒, 無嘢做囉...哈哈哈!!」
金電視, 玉郎電視, 香港電視, 大眾電視, 全部也是當年陪伴我上堂的枱底電視書, Mandy說:「E啲真係我自己儲嘅, 螢幕偶像你有冇睇過呀? 嗰D就係人哋商借出嚟」(螢幕偶像得相無字, 通常係女同學買, 我借嚟睇3分鐘就還)
「你我永遠擁有這份獨特趣味 並默默留念半截舊戲飛」...阿倫80歲後歌詞, 我問Mandy:「點解你要攝張歌詞入去個SHOW懷舊戲飛個櫃入面呢?」, 她答:「 我每個櫃都特登寫幾句阿偷嘅歌詞, 好似有意思D咁」
我:「我以為你鍾意哥哥, 就唔會鍾意阿倫喎」,德哥插嘴:「佢份人濫吖麻」, Mandy:「咁我又真係兩個都鍾意喎, 不過講到跳舞, 80年代真係得哥哥最勁....」
之後, 我們的話題便由80年代的歌曲, 歌星到從前的唱片, 繼續談下去, 德哥:「E家返出以前D圖案大碟, 唔平呀...陳百強要$320, 好彩我當年用$120買返哥哥隻Monica, E家買唔返添呀!」(係! E家D黑膠碟點解咁鬼貴?)
我望著梅姐的演唱會門票說:「以前演唱會飛真係好有誠意, 印得又靚, E家嗰D得幾隻字, 放多兩年, 所有字都無埋添」, 德哥:「所以我哋就係擺出嚟畀大家睇返以前D嘢幾咁靚囉」
我問Mandy:「今次你會有咩同上次唔同呢?」, Mandy:「我係馬榮成Fans, 我儲齊晒電影系列D宣傳品呀」
真的連當年戲院的宣傳劇照都有...Mandy:「點止呀, 我連個1998年慶功宴個菜牌都儲埋, 應該算好齊架啦」
我很記得上次已經一直虎視眈眈的哥哥百事汽水罐...Mandy:「我本來有三個, 不過另外兩個爛咗, E家只剩返一個咋」(哎呀! 如果你無揼到就好啦...我一定跪求你送畀我)
原來, 今年是哥哥入行四十年, 而4月1日又是哥哥走了14年的日子, Mandy:「有個朋友很有心, 特別親手造了一個紀念盒給我們擺設」(果然係忠實Fans)
忙於整理相片的Mandy對我說:「我有一系列自已好鍾意嘅展品, 就係我係梅姐最後一次演唱會嗰時影嘅, 當年仲係用菲林, 雙重曝光出來嘅效果, 仲有Kelly做嘉賓, 很挑逗的台風, 我都覺得好難忘」
上次太子的展覽, 場內已經有2台Yes卡機, 今次更加增設了6部, Mandy說:「真係Yes借出畀我哋架, 我以前做過Yes, 儲落好多Yes卡囉」
今次, 大家只要讚好「娛記正傳」FB, 就可以免費換取一元抽真。90年代Yes卡.
Mandy:「我特別準備咗哥哥同梅姐嘅特別版Yes卡3張, 睇下邊位參觀者可以抽到就真係幸運哦...
娛記正傳2有太多太多美好的回憶, 今次展期只有8天....(最後至4月1日), 重拾快樂黃金時代, 記得要快手呀!
「娛記正傳2：我們的快樂時代」
日期: 即日－4月1日
時間: 11:00am - 8:30pm
《4月1日 11:00am - 7:00pm》
地址: 石硤尾JCCAC賽馬會創意藝術中心LO藝廊
大仁生活facebook
沒有留言:
張貼留言