網頁

2017年3月13日 星期一

【表參道排到嚟漆咸道】勁似食燉蛋~限30份鐵板吐司 @ BREAD, ESPRESSO &

東京人龍Cafe由「表參道」開到來「漆咸道」,  阿太:「我好想去食佢哋個『鐵板法式吐司』呀!


:「去囉...15:00 開始賣, 每日限量30, 我早半個鐘去排定隊啦..., 阿太:「我阿姐點會畀我蛇出嚟吖...!!


沒有問題吧...古有木蘭代父從軍, 今有阿仁代太食包, 我還請來魚子媽與子子友情試味, 真的感激不已.


14:30到達店前, 前面已經有3位年輕人在等侯, 心諗:「邊到有咁多人唔駛返工吖...30份咁多, 早知唔駛咁趕啦」


誰知還未到14:45, 店員已走出來截龍, 及登記...店員:「每位客人只可以點一份鐵板吐司, 如果你哋想食其他嘢, 就唔駛排隊都可以入坐架喇」


咖啡店正正就在歷史博物館對面, 百利旁邊, 開揚的落地大玻璃, 而且店內有大量電插頭, 真的點杯咖啡, 望著漆咸道大街Hea半日, 又可以免費叉電, 真的寫意到不得了.


小鐵板法式多士(單點$68;跟手沖咖啡$98, 大約點單後約15分鐘便登場, 店員建議:「試下唔好落瑰花蜜糖先, 試試原味, 之後再安個人口味慢慢加...


魚子媽突然「嘩!」一聲, 並說:「原來個小鐵板好熱架...隻手當堂紅咗...


原來, 這店的麵粉、雞蛋、糖, 鮮奶, 甚至那瑰花蜜也是從日本直送來港, 招牌吐司混了蛋漿浸一晚, 再冷藏24小時, 客人點了單才原鐵板先煎後焗出來.


不過, 吐司的質感很濕, 很軟, 很腍, :「唔多似食多士, 似食梳乎」,魚子媽:「太腍啦, 好似浸得太潤, 我覺得似食燉蛋多D(係喎...燉蛋喎)


今日, 魚子媽很有心, 知道我們來吃包, 專登做了一個我樣的甜餐包送給我...


我問子子:「你鍾意食媽媽整嘅包, 定係E度嘅燉蛋士呀?, 子子想了一想:「我鍾意食E度嗰包多D


魚子媽:「咁我應該去日本進修下先再整早餐被個囝食喎」


之後, 因為店員說, 「櫻花鹽迷你法式方包 $15」亦是香港店限定...當我帶子子去買包之際, 原來已經是最後一個.


下午15:30就差不多整個麵包櫃空空如也...子子:「最後一個喎..., 我要! 叔叔要試限定東西呀!


不過, 這個櫻花方包則有點失望, 沒有餡料的, 勉強就是有一小朵乾花, 魚子媽:「應該係鹽漬過的...


可能剛少吃了太甜的吐司, 如今淡淡然略過的方包...:「好在仲有瑰花蜜可以配, 日本連蜜糖都特別清, 特別香...如果唔係淡茂茂個櫻花包, 真係慘」


這裡的店員服務態度很不錯, 我請她們幫忙翻熱方包又可, 我說:「瑰花蜜可唔可以添呀?」她們又說可以...日本精神真是可愛.


沒有吃午餐的我, 一邊以瑰花蜜配魚子媽造給我的麵包, 一邊說:「其實妳唔駛去日本學呀, 因為我覺得你個包仲好食個櫻花包」


紫薯沙冰(套餐另加$22), 賣相非常吸引, 而且味道也很濃郁, 只是我第一, 二口沒有拌勻, 不過混了忌廉的沙冰一樣香口. 魚子媽:「係呀! 好濃紫薯味呀..不過$55, 就有少少貴囉」


因為, 有太多人在門口排隊輸侯, 我們還是早點還枱給別人, 臨走前魚子媽指向麵包櫃說:$28咁多個包, 切開浸咗就係我哋頭先食嗰份吐司呀」


:「吓? 咁大舊都係$28, 我哋細細舊單點都$68喎」, 魚子媽:「人哋幫你浸埋呀, 你想平就買返屋企自己浸, 自己焗囉」(...對於一個只係識煮杯麵嘅人嚟講...抵畀錢人賺啦...)



BREAD, ESPRESSO &
地址:尖沙咀漆咸道南115號地下
電話:2320 1228


大仁生活facebook

沒有留言:

張貼留言