上星期知道銅鑼灣有小熊維尼展, 本來以為是一般的公仔展,
想不到一走入展館...嘩!原來是我最愛的懷舊PoohPooh歷史博物展喎! 正呀!
入場前的玻璃門, 大大個標示「相機圖示」斜楝一劃, 我說:「哎呀!原來唔畀影相喎, 點算?」, 朋友E:「可以影, 係唔畀用閃光燈咋! 費事的閃燈影響展品」
一走入展館轉右, 一大隻熊啤啤就坐在梳化上,
我大叫:「嘩!E隻係米老翻嚟? 點睇都唔似Winnie the Pooh呀?」
秘密1 : 於是我便走到外藉工作人員前查詢, 他答:「佢係小熊維尼1924年嘅雛型, 未有維尼之前, 佢原型係一隻BearBear索做出嚟呀」
原來, 小熊維尼較迪士尼誕生前40年就已經出世喎!!
場內有大量PoohPooh原稿, 原裝電影宣傳照, 嚴如一個藝術畫展一樣, 不過, 最吸引我的...
玩具仁當然就是被維尼熊的玩具所吸引, 1964的維尼熊與朋友的公仔.
玩具真的愈舊愈有味道, 50年前的玩具原來也可以如此精細...
還有1968年的填色套裝,
1965年的BB砌圖, 好靚, 原來現在重看數十年的粗線條, 簡簡單單反而更加可愛.
玩具中最經典的一定是那個1966年維尼熊的BB床頭啷啷玩具頭, 連原裝盒架, 可以保存近C10的質素, 這位收藏真的非同小可.
展館的角落有一個維尼熊圖書角, 又是數十年前的收藏一次過展覽出來...
朋友E:「又有希臘版本, 又有德國版本, 又有丹麥版本喎」, 而且玻璃櫃前還有兩個iPad,
有兩份足本的漫畫給你任面睇...
秘密2
我不停掃下掃下...忍不住大叫:「哎呀! 原來小熊維尼1977年已經同美國隊長CrossOver喎, 美國隊長係本漫畫出現呀!」(嘩!如果下次集復仇者有Winnie the Pooh就正喎)
場內一共有92件珍藏品, 我也足足睇睇影影玩了個半小時呀!
參觀完珍藏展, 當然要與露天廣場的維尼熊,
豬仔, 跳跳虎, 豬仔, 瑞比, 依唷, 貓頭鷹來個Selfie.
展館的外牆有半立體的朋友, 不過PoohPooh就拉著氫氣球升了上半空.
如果想與朋友們踏青玩野餐的話, 近大電視的一方, 又可以一次過與一眾朋友扮郊遊大合照呀!
「小熊維尼:友你友我」展覽:
地址:銅鑼灣時代廣場露天廣場
日期:30/3至23/4(10:00am-10:00pm)
小熊維尼抱抱會
日期:
4月1-4月2日 (小熊維尼+跳跳虎)
4月8-9日(小熊維尼+豬仔)
4月14-15日(小熊維尼+咿唷)
4月16-17日(小熊維尼+跳跳虎)
時間:中午12時、下午2時、下午4時及晚上6時(共四節)
地點: 銅鑼灣時代廣場2樓
每節一小時前開始排隊領取入場券
大仁生活facebook
沒有留言:
張貼留言