網頁

2017年3月23日 星期四

【20檔吃喝玩樂】水果咕𠱸~任玩~任HEA@ PMQ果藝市集2017

上年玩了2次非常熱鬧的「水果市集」, 所以, 當一知道有新一季果藝市集開鑼, 第一時間帶SY去玩餐飽!!


今次在廣場地面新增了一個超Hea, 超無敵, 色彩繽紛的「水果玩樂區」.


內裡放了大量不同體積的豆豆咕𠱸, 絶對是大人的休息區, 小朋友的對戰區.


我家SY與子子, 玩過不亦樂乎, 嘻哈大笑, 滿頭大汗, 癲癲喪喪, 樂而忘返...


如果, 今個星期, 你將會帶小朋友來渡周末, 這個水果咕𠱸, 足以令他們玩足半日.


我們在威迫利誘的情況下, 小朋友在極不願的情況下才肯離開作戰區, 跟我們上「水果藝術工作坊」


今次的導師是Joanne @Go Fruit Girl, 原來水果也可以變成卡通人物, 小丸子, 薯蛋頭. 而今日我們將會用蘋果變薯條, 士多啤梨變玫瑰.


看老師示範, 真的大開眼界, 明明就是一個普通蘋果, 切切鎅鎅真旳就變成了薯條.
這個薯條真健康...SY:「但係我鍾意食真嘅薯條多D喎」(你都怪人嚟啦...唔食生果)


之後的士多啤梨變玫瑰, 我比較喜愛, 因為更簡單, 其實, 我還是最愛食食食...簡簡單單切兩刀就可以的話, 最合我心意呀!


小朋友看完老師表演, 自己又開始創作...


一位愛玩刀, 不停要求我和他一起切;子子則更乖, 不會玩刀, 只在乎不停吃我們切出來的薯條(蘋果)


子子:「好食呀! ,:「但係我盒薯條無晒Lu, 咁快你又食咗我4條喇??


完成工作坊後, 我們便回到地面廣場繼續生果之旅, 我們走到5樓的Taste Library試食馬卡龍


靚仔Andy:「今次我造咗「火龍果馬卡龍 , 同蘋果酒馬卡龍只係限量得100粒咋, 只要大家買$30 Day Pass 就送一粒」


我家有一位啫甜小朋友, 一聽到 馬卡龍 雙眼發光...他一手搶了火龍果味, 不停說:「我最鍾意食馬卡龍, 好好食呀! 哥哥, 可唔可以請我食埋另外嗰粒呀?


:「有酒呀! 你唔好食呀」, Andy補充:「酒精煮走晒架啦, 小朋友都食得」


結果, 兩位小朋友每人各吃了一粒, 繼續似飲醉酒一樣, 興奮大叫:「好食, 好好食...」便跟我們重回地面廣場, 繼續玩.


我發現吃完甜品, 有點口喝, 而場內給我找到免費試飲....!! (哈哈) Organic.St Sara向我們推介「樹蕃茄汁」 $26


Sara:「樹上種嘅茄科植物, 唔係蕃咖嚟呀...你試下, 好好飲, 紅色嗰支好似利賓納添」


SY一聽剽利賓納, 即時接過試飲杯, 一口喝光說:「真係好似利賓納喎」


我覺得很清, 很潤, 又沒有苦澀味, 好醒精...Sara:「好有抗氧化功能呀...男士們最鍾意飲紅色一款...不過, 我都唔知點解, 可能真係利賓納掛」


之後SY向我大叫:「美樂士多都有係度呀! 每次美樂都有遊戲玩, 今次是$10/2球西瓜波...


負責人Patrick:「如果你射入指定個龍門就有獎」, SY :「我想飲綠寶, 我又想食大白兔糖呀!


Patrick 續說:「西瓜波夠晒硬, 夠晒大家嘅童年回憶」(我無玩過西瓜波, 我只係鍾意打機)


Kinson:「今日無賣大白兔糖呀! , 不過, 沒有所謂, 因為他玩了很多次也一球不入.


但是給我發現想飲的東東...「鹹檸碧」$30, 店員:E樽檸檬浸咗十幾年架, 你要唔要試?


當然要啦, SY:「我都想試」, 結果他飲了一口, 全身震一震:「鹹七嚟...(點解佢會識呢?), 爸爸, 我想飲綠寶多D(OK! 你綠寶, 我鹹碧啦)


其實, 這個時候, 我開始有點肚餓, 就在向前行的同時, 給我發現了「奇趣菠蘿包」 $40/2 @Fresco dal Mercato


SY問負責人:「點解個菠蘿包叫奇趣嘅?, Kathy:「因為我們夾咗西班牙24個月火腿, 黑松露牛油落去, 所以你覺唔覺得好奇, 同埋我哋個包好脆呀!


原來西班牙火腿有分24個月($80/2), 36個月($360/2)...原來差一年, 價錢如此貴喎.


子子很可愛, 菠蘿包會全部吃光了菠蘿皮, 之後便交了給魚子媽...她說:「子子習慣吃完菠蘿皮先吃包呀!


:「原來鹹食菠蘿包好好食, 而且個黑松露牛油好香」, 魚子媽:「好夾呀! 菠蘿包同西班牙火腿D味道好夾」


臨離開前...魚子媽問我:E度有得買最近好HIT嗰隻棉花糖提子喎」(檔位仲無限試食添!!)


:「吓? 提子都有棉花糖??, FruttiBoz店員:「我哋仲有花蜜提子, 不過最近風頭真係棉花糖味搶晒啦」 提子$150 @ 2


原來潮流又變了?? 我還停留在香印提子年代...魚子媽問:「你E排無去果欄咩?(無啦...半年都無去)


棉花糖提子輕輕的甜, 但花蜜提子一咬已經很有蜜味, 我還是比較上一季大熱的花蜜提子多一點.


月亮提子更加攪笑, 外型似十足Re-Ment版的小茄子, 店員:「因為外型太似手指, 所以又叫手指提子」


今日買了棉花糖, 及蜜味提子回家...阿太與朋友飯後回家, 試食提子後說:「我又食唔出棉花糖味, 不過蜜味好正...PMQ有得試食, 早知跟埋你去啦」



PMQ 果藝市集2017
日期    :3月24日至26日(五至日)12nn-8pm
地點    :中環鴨巴甸街35號PMQ元創方地面廣場
入場費:全免


沒有留言:

張貼留言