朋友B:「你嚟玩下啦, 有傳統龍鬚糖, 就嚟失傳嘅吹波糖, 仲有新派手製拉糖食架」
原來今次新都城主題就是復活節「糖果太空奇遇」, 話時話...好彩朋友溫馨提示, 否則我又誤以為新都城是在馬鞍山.
正當我準備去吃糖之際, 太空A仔登場, 對於寜濫莫缺的我來說, 當然也要影影影完才去吃糖吧!
望著師夫輕輕鬆鬆的拉龍鬚糖, 他問我:「要唔要試一粒我哋嘅新派龍鬚糖呀? (我:乜有分新派, 舊派咩?)」
師夫:「梗係有啦, 你試一粒, 唔好咬, 含住...你覺得有特別呢?」, 我放了一粒龍鬚糖入口, 哎呀! 哎呀!
我:「點解有爆炸糖係入面嘅? 裡面唔止係花生, 仲有朱古力嘅?」, 師夫:「爆炸糖係我老細諗出嚟呀!」(果然係鬼馬老細)
龍鬚糖旁邊是Hey Candy, SY最愛吃的硬糖, 不過, 我同樣發現他似十足龍鬚糖檔位, 不一樣在拉糖.
我問:「乜你哋唔係賣硬糖嘅咩?」, 工作人員:「因為我哋有一個熱爐, 我畀你試少少...」
我把糖放入口, 真的又暖又軟, 但軟化時間非常短暫, 不岀5秒, 糖已經漸漸實實在在, 再過5秒更變成堅固.
工作人員:「我哋之後有工作坊教人做公仔波板糖, 所以預先要將糖暖著一定溫度呀!」(原來如此)
而我三個月前認識的糖姨姨, 原來之後也會有兩天來這裡義賣吹波波.
今日糖姨非常忙碌, 又做恐龍, 又做鱷魚, 我問:「糖姨姨, 不如你示範吹波波吖?」
有求必應的糖姨姨:「好呀!」, 之後她吹了一個綠色大芒果汁出來....我:「再吹大D」
糖姨姨又繼續, 不過, 因為我的無理要求, 她多吹兩口, 糖波波便"「卜」一聲爆了!
我:「最衰都係我....」, 糖姨姨:「我可以吹再大過D嘅, 不過咁啱今次唔得, 唔關你事啦」
最後, 便與糖無關的八達通兔工作坊, 我問了一個愚蠢的問題:「點解你要做兔仔, 唔做A仔呢?」
老師說:「復活節麻, 同埋最重要係大會要求囉!」(哦! 明白)
MCP 新都城中心「漫遊糖果星際奇遇記」
日期: 2017 年 4 月 1 日至 23 日
時間: 上午 10 時至晚上 10 時
地點: MCP 新都城中心 2 期及 3 期 L1 天幕廣場
爆炸龍鬚糖: 2017年4月9及4月15日
手製拉糖:2017 年 4月14日 及4月17日@Hey Candy
吹波糖:2017年4月1日 及 4月16 日 @糖姨姨
大仁生活facebook
沒有留言:
張貼留言