玩具...玩具...玩具...當我一聽到「玩具」兩個字, 一雙眼會自動發光, 並即時朝向有玩具的地方找找找!
從未想過「香港歷史博物館」竟然有玩具展, 最初聽到時心想:「係米好似沙田文化博物館咁, 有個房仔是旦擺D玩具出嚟呀?」
阿太:「駛唔駛咁大型呀??」我:「咁米抵囉...$10可以睇晒一百年玩具嘅歷史」
這個名為「從過去到現在」的展區, 一開始便展出1910年代, 當時小朋友玩的公仔紙...
70年代畫功開始日系, 80, 90年代就是龍珠的世代...(點解無Yes卡呢?), 公仔紙...千禧年的小朋友一樣在玩...正如SY儲幪面超人, 女孩子便投入「星夢學園」世界吧!
轉個角落...阿太突然大叫:「嘩!嘩!嘩! 好靚呀! 你睇, 當年嘅Re-Ment呀! 真係好靚呀, 煮食爐呀! 雪櫃呀! 好想要呀」
今日在展館內, 周圍的人說得最多的一句說話,
一定是:「E件玩具, 我以前細個都有過呀!」
我:「E隻唐老鴨錢罌, ~我以前細個都有過呀!」阿太:「咁E家呢? (讀中學搬屋都無咗啦),
咁即係無啦」(車!! 早知頭先都咁樣窒你)
玩具真的愈舊愈有韻味, 但自己認為當中最好不包含科技的元素, 因為一涉及電子部份, 那件玩具一般也沒有任何升值潛力.
玩具是有靈魂的, 但老翻的就一定沒有. 所以, 我從來不會買翻版玩具, 而每次經過花園街也教導SY,
翻版玩具如何影響創作者.
所以, 我真的不明白購買翻版玩具給自己小孩子的家長, 其實, 絶對是潛移默化教導小朋友當鼠竊狗偷無異.
走到「締造玩具王國」區, 一系列熟悉的動漫主角逐一登場....Starwars,
GIJoe, Marvel, DC
胡謂康的黃金戰士, 蔣慶龍的高迪安, 寶記小花的Sailormoon...阿太:「你真係唱得好投入喎」(梗係!!)
這個小雲就是我小朋友時代非常恨買的玩具, 結果當我儲夠零用時, 這個大小雲已給人買走了...於是我便唯有買「口水肩」小吉.
最後, 便是近20年, 港產玩具的Figures, 阿太走來走去問:「行完喇喎...點解無杯緣子, 點解無Re-Ment嘅?」(係米人哋當太新, 未夠歷史呀??)
香港歷史博物館 - 「香港玩具傳奇」
日期:3 月 2 日至 5 月 15 日 (周二休館)
票價:港幣 10 元
查詢:2724 9042
大仁生活facebook
沒有留言:
張貼留言