網頁

2017年3月1日 星期三

【$10任睇】百年玩具歷史大晒冷! @ 歷史博物館

玩具...玩具...玩具...當我一聽到「玩具」兩個字, 一雙眼會自動發光, 並即時朝向有玩具的地方找找找!


從未想過「香港歷史博物館」竟然有玩具展, 最初聽到時心想:「係米好似沙田文化博物館咁, 有個房仔是旦擺D玩具出嚟呀?


當今天隨過百隻Starwars白兵樓梯, 走入博物館的時間, 不禁:「嘩! 真係成個 博物館都玩晒嚟Show玩具喎」



阿太:「駛唔駛咁大型呀??」我:「咁米抵囉...$10可以睇晒一百年玩具嘅歷史」


一切由香港玩具開始, 有人在欣賞西瓜波的同時問對方:「你知唔知西瓜波一定要襯咩吖?, 朋友想也不用想答:「白飯魚」(又係喎)



這個名為「從過去到現在」的展區, 一開始便展出1910年代, 當時小朋友玩的公仔紙...


不同年代的公仔紙, 畫功, 上色, 內容也很不同, 從前的小朋友連玩的內容也好似好「正經」



70年代畫功開始日系, 80, 90年代就是龍珠的世代...(點解無Yes卡呢?), 公仔紙...千禧年的小朋友一樣在玩...正如SY儲幪面超人, 女孩子便投入「星夢學園」世界吧!


日本區的玩具非常靚, 阿太:「哎呀! E個打字妹真係好似我當年學打字咁樣喎」(咩係打字機呀? E部唔係電腦嚟咩?)



鐵皮玩具真的多姿多彩, 可以變東京鐵塔, 又可以配上小飛象一邊行一邊打鼓.



曾經有玩具醫生告訴我:「賽璐珞係當年造公仔的物料, E種膠唔多襟, 所以保存到嘅, 真係非常珍貴」(真係好靚呀!)



機械人展區完結後, 我們便進入交通工具區, 真的想不到汽車, 輸船的種類, 原來可以有這麼多.



阿太:「原來以前火車嘅路軌係用飲管嚟做架喎」(係喎...真係諗都無諗過)



轉個角落...阿太突然大叫:「嘩!!! 好靚呀! 你睇, 當年嘅Re-Ment! 真係好靚呀, 煮食爐呀! 雪櫃呀! 好想要呀」


:「以前D傢俬都好靚吖」, 阿太:「真係靚過我屋企啲Re-Ment好多, 如果有得買就好啦」(咁懷舊, 幾難搵到就真!)



今日在展館內, 周圍的人說得最多的一句說話, 一定是:E件玩具, 我以前細個都有過呀!


而走到「煮飯仔」展櫃時, 阿太又同樣的說:E盒醫生嘢, 我以前細個都有過呀!



:E隻唐老鴨錢罌, ~我以前細個都有過呀!」阿太:「咁E家呢? (讀中學搬屋都無咗啦), 咁即係無啦」(!! 早知頭先都咁樣窒你)


原來, 當年的LEGO已經可以有如此先進, 如果有年份, 有價錢的資料就更加好!!



玩具真的愈舊愈有韻味, 但自己認為當中最好不包含科技的元素, 因為一涉及電子部份, 那件玩具一般也沒有任何升值潛力.


玩具是有靈魂的, 但老翻的就一定沒有. 所以, 我從來不會買翻版玩具, 而每次經過花園街也教導SY, 翻版玩具如何影響創作者.


所以, 我真的不明白購買翻版玩具給自己小孩子的家長, 其實, 絶對是潛移默化教導小朋友當鼠竊狗偷無異.


阿太:「你睇以前D玩具真係好精緻, 所以玩具真係要好好保存」(你玩你D杯緣子好似最粗魯喎)



走到「締造玩具王國」區, 一系列熟悉的動漫主角逐一登場....Starwars, GIJoe, Marvel, DC


首先登場的英雄人物全是外國勢力, 而就在我左看右看之時, 身後便嚮起了回憶的旋律...



胡謂康的黃金戰士, 蔣慶龍的高迪安, 寶記小花的Sailormoon...阿太:「你真係唱得好投入喎」(梗係!!)


「玩具時尚」區就是先集中日本近40年的動漫產品, 阿太:E度好似屋企, 你仲影嘅?



我答:「咁我唔係有齊晒, 但係超合金白看不厭, 梗係要影吓啦」



這個小雲就是我小朋友時代非常恨買的玩具, 結果當我儲夠零用時, 這個大小雲已給人買走了...於是我便唯有買「口水肩」小吉.


說完了遺憾的小雲, 同場當然還有代表70年代動漫的小露寶, 80年代的龍珠, 還有90年代的星矢呀!



遊戲機的世界, 紅白機、任天堂、PS、GameBoy、一櫃打盡...不過, 不見了雅達利喎!!


最後, 便是近20, 港產玩具的Figures, 阿太走來走去問:「行完喇喎...點解無杯緣子, 點解無Re-Ment?(係米人哋當太新, 未夠歷史呀??)


這個集體回憶展覽非常合適我這些愛講「從前乜乜乜」的老仁家來, 今個星期日, 要帶SY來再看一次, 給小朋友知道, 爸爸當年玩的玩具是如何精彩!!



香港歷史博物館 - 「香港玩具傳奇」
日期:3 月 2 日至 5 月 15 日 (周二休館)
票價:港幣 10 元
查詢:2724 9042


大仁生活facebook

沒有留言:

張貼留言