結果, 今日不用去日本, 香港太古城一樣有得試...於是夾硬拉同好戰友們陪我嘆三文魚子.
我本來想點兩碗三文魚子丼 $228, 但朋友們說:「我影你得啦, 我哋叫其他海鮮丼」, 我心諗:「你哋都唔識貨, 唔理你哋, 師傅幾時嚟幫我"畢"魚子"呢?」
說時遲那時快, 店員已經為我端上白飯, 師傅手持大大盆三文魚子緊隨其後:「多謝你點三文魚子丼」, 之後便是戲肉...為我酙魚子
師傅大喊:「"Oisa ！"」, 其餘店員又跟隨大喊:「"Oisa ！"」, 每喊叫一次便是為我酙一匙滿滿的魚子在丼上, 氣勢磅礡的全場店員也在呼應了4次, 三文魚子丼便完成.
我問:「"Oisa ！"點解呢?」, 工作人員解釋:「出力, 用力, 打氣咁解」, 貪心的我:「好似碗飯仲有少少未有三文魚子...」
師傅聽到後, 再一次上前為我再喊:「"Oisa ！"」, 我對朋友說:「Yeah! 我又賺多咗一羹魚子..."Oisa ！"」,
朋友們的海鮮丼也全部登場...心想:「點解我碗丼咁鬼細碗?」
吃了第一口三文魚子, 超鮮, 超潤, 超爆汁, 好吸引, 繼而再用丼飯伴魚子一樣的滿足, 一口, 二口, 三口...
感覺開始有點奇怪, 我:「好似愈食愈鹹, 同好似個口寡寡地咁...我開始好膩, 你哋就好啦, 咁多款魚, 我好似咁齋嘅?」
橋橋爸爸點的「特上魚生丼」 $218, 蟹鉗配5款厚切肥美魚生, 賣相超豐富, 還有兩片芝士蛋糕狀的玉子...價錢還較我的便宜$10
E莉點的迷你北角丼 $268 我:「好Cute, 好似兒童餐」, E莉一邊品嚐海膽說:「好甘甜呀! 見你咁寡, 我分D中華沙律畀你啦」(我想要魚生多D囉)
我終於明白為何三文魚子丼是細細碗的吧! 而且更不宜一人獨自進食, 二, 三人分享會更好, 我說:「睇嚟我雞年都唔會再三文魚子丼」
本來, 我們還有甜品可以分享, 但因為吃得太多三文魚子, 膩膩的感覺, 今晚罕有的對甜品也少了興趣.
靚靚的甜品...還是留給兩位女士們慢慢享用啦!! 下次我一定點海鮮丼, 「OISA!!」還是留給別人好!!
北海丼
地址：太古城中心3樓313號舖
電話 ：2577 0828
時間 ： 11:30am – 11pm
大仁生活facebook
沒有留言:
張貼留言