我跟同事說:「今晚我去荃灣鱟地坊佷餃子」,
同事答:「嘩! 嗰度D舖頭好細間, 幾乎立食都唔得」(我未去過唔知喎...)
結果, 晚上7時到達, 小小的巷仔真的聚滿食客, 而眾多食群當中, 果然餃子店最多人排隊等候.
老闆徐先生及老闆娘忙過不停, 前面的客人問:「8隻湯餃」, 老闆:「唔好意思呀! 雞湯賣晒, 你可以食煎餃, 或者魚湯烏冬水餃」
前面客人點了煎餃, 我即時插嘴:「6隻湯餃配烏冬, 另外6隻煎餃」, 老闆:「唔好意思, 因為太多人, 可能要等20分鐘...」(絶對無問題)
我問:「老闆你咁忙, 真係好好生意喎」, 老闆答:「因為小弟啱啱出咗飲食男女,
E幾日特別多人嚟食咗, 虛火嚟嘅啫」
徐老闆非常好人, 即使手忙腳亂, 有客人問買回家的生餃子如果煮, 他又停了手詳細指點; 因為煎燶了餃子, 情願即時掉了也不給客人.
我認我偏心, 因為徐老闆說:「我送多一隻餃子畀你食, 因為有一隻包得細咗唔靚, 希望你唔好介意」(送多一隻畀我都介意...我直情開心死)
原來, 日本餃子傳統廣東食法,
真的不得了, 我們一家三口讚口不絶,
皮薄餡靚, SY:「好好食呀! D皮真係唔同D」
阿太:「又椰菜, 又白菜, 又韭菜好爽口, 少少肉又唔會太膩, 連D烏冬都好好食呀!」
老闆:「其實, 魚湯我哋都煲2日架, 不過, 我個人覺得魚湯要襯煎餃, 雞湯配水餃先係最好食」說時遲那時快, 我們的煎餃又上場...
香噴噴的煎餃, 因為皮薄關係, 更加易入口, 而且老闆為我們加上辣椒魚乾 : 「加埋我自己秘製香粉仲好」
我忘記SY不能辣, 但今次怕辣的他竟然也逐少逐食畢整隻煎餃, 之後不停喝水說:「好辣...好辣...不過好好食」
阿太:「真係D魚乾都好正」不過, 我自己覺得不配辣椒, 味粉, 純天然味道更正...老闆:「我鍾意食水餃多D, 因為我都怕熱氣」
另外, 竹蔗矛根馬蹄紅蘿蔔
$22/支簡直熱氣救星, 清潤甘甜, 飲了5, 6口, 喉嚨也即刻沒有了燥熱的感覺.
阿太臨走前問老闆:「點解你哋賣烏冬, 但舖頭名叫米線嘅?」, 徐老闆笑笑口:「因為人人都食烏冬囉, 所以米少賣米線」
希望如此有熱誠的小店愈做愈好, 我下次一定要來試雞湯水餃呀!
峰味清雞湯米線
地址：荃灣鱟地坊80-84號華成樓B座地下B6號鋪
電話：68069582
時間：星期一至日: 10am-9pm
大仁生活facebook
沒有留言:
張貼留言