【一柱擎天三文魚】人來人往食丼丼 @ 九龍城

原來已經是一月中發生的故事...擱置了整整一個月, 差點連自己也忘記了在街頭食過三文魚丼!

這間日本料理主力做外賣, 店外只有兩枱, 兩凳,  如果家住九龍城, 我建議拿外賣回家吃...

因為店舖主打三款一柱擎天丼, 堂食的話, 不時會被途人圍觀, 並竊竊私語:「嘩! 好得意呀!」,「D三文魚好高呀!」,「好靚呀! 咁大碗都係78蚊咋」

赤丼 $78 賣相似十足橙紅色的韓式刨冰, 三文魚親子丼, 再亦鋪上滿滿的飛魚籽, 飯與魚生以紫菜分格, 氣勢磅礡!

SY:「好食呀! 三文魚同飛魚籽又夠多」, 我:「真係唔錯呀! 咁多三文魚都係$78蚊, 抵呀!」

阿太:「係幾抵, 不過被周圍D人望住唔多自然, 如果室內有位坐就好D囉」

SY點了一個芝士飛魚籽手卷, 即點即製, 同樣足料!!

SY:「嘩! 爸爸..加咗芝士仲好食呀!」紫菜是脆岳岳的, 非常抵非常滿足.

不過, 之後的蒲燒鰻魚丼 $68, 標榜原條鰻魚上碗...可惜有點兒覺得短了一點.

可能天氣涼了, 所以雖然燒鰻魚肉厚, 又有油脂, 亦不算嚡口...奈何涼了的鰻魚再配冷冷的丼飯...始終也是吃不慣.

SY:「唔係吖! 都幾好食吖, 配熱飯我仲食唔到啦」, 店員:「你可以原條外賣, 48蚊咋, 返屋企叮返熱, 我哋好多客都係咁」

這個建議很好呀! 因為吃丼飯沒有配上熱茶有點不慣, 下次一定要外賣為佳.

渡辺屋
地址：九龍城衙前圍道122號地下H舖
時間：11am-10pm
電話：2623 6693



大仁生活facebook