2017年2月13日 星期一

【排咗一個鐘】人哋話:全越南最好食牛肉粉? @ 錦麗

上星期, 一約而同兩位朋友也同時FW錦麗登陸觀塘apm的消息給我, 其中朋友A:「早D去好呀! 趁老闆未返越南, 我驚之後味道會唔同」


於是星期六晚上7時到達, 我對SY說:「哦...都唔係好多人啫...」, SY望一望答:「爸爸...條龍係排到去隔離後樓梯先啱呀!」(吓??乜咁多人鍾意食越南粉嘅)


人龍中個個也趨之若鶩說:「華爾街日報話係全越南最正牛肉粉」,「我上次去越南食過, 佢哋D牛丸正到暈」, 「越南喺大排檔好Feel啲喎」


我沒有去過越南便只有一個「聽」字, 大約60分鐘終於到我們入座啦!!


甫一坐下, 店員即時遞來兩杯芽菜, 青檬, 薄荷九層塔...另外, 還有一店員摩打手的不停製作...


八卦的我問她:「係米每人得一杯, 可唔可以添呀?」, 女店員:「一定份量囉, 如果你需要都可以添畀你」 (多D芽菜好食D呀)


阿太點了一杯雪梨崩大碗 $22, SY要一杯青檸薄荷梳打$25...SY用力一啜:「點解食唔到嘅?」, 原來他將大支蔥當成飲管...


後來我問店員, 她解釋:「嗰支唔係蔥, 係薄荷葉嚟」(哦! 原來薄荷葉咁大支...真係又學到嘢喎)


不到5分鐘, 我們的錦麗綜合粉$58, 及 生牛肉粉 $56便而上枱, 湯頭真的很清, 當然又要扮一扮食家喝一口, 真的與平時食開的越南粉的湯底清而甜.


SY:「好飲喎, 好Enjoy喎」, 牛肉很嫩, 河粉又確實滑, 阿太:「好食過我哋屋企對面嗰間啦, 咁先係越南粉...」



坐在同枱的姐姐細細聲跟朋友說:「真係差過越南好多, 人哋總店D牛丸彈牙到不得了...」, 我插口:「我仲以為牛丸係空運嚟嘅添」, 姐姐搖搖頭:「一定唔係啦, 都係越南好食D」


阿太:「唔掛得知人人都點牛丸啦, 原來個個都想試返彈牙牛丸」, 姐姐問阿太:「你杯雪梨崩大碗得唔得? 頭先伙記話賣晒Lu」, 阿太:「雪梨好清, 好夾, 好爽」


每次食越南粉, 一定要點牛油雞翼$32, 今次也不例如, SY:「真係脆岳岳架!」


阿太:「以前燕苹好食, 定E間好食?」, 我答:「燕苹都好似執咗十幾年喎...佢牛油味無咁濃, 但無咁油仲好, 淡淡地好似無咁多醃料, 無咁多味精, 好似幾好喎」


食完錦麗, 第一次飲了一半碗湯, 舌頭也沒有太味精感覺, 少少一定有...但絶對較香港其他越南粉好, 至於是否不及總店, 看來, 我有機會去越南才可以証實了.



錦麗
地址:觀塘APM 4樓L4-19號
時間:11:30am-10:30pm
電話:23360130



大仁生活facebook

沒有留言:

張貼留言