【驚住嚟睇】同真‧「富江」、「雙一」玩遊戲@ 伊藤潤二展

終於等到「伊藤潤二」展來香港啦!! 上年年頭於台灣華山「驚」足三個月, 今個月起大師帶同富江齊齊坐鎮PMQ.

未進入恐怖美學展前, 當然要先做好熱身準備, 走入Pop-Up-Store看看有甚麼限定產品.

闇黑美學繪本 $120, 口罩$50, 落下杯$100

工作人員說:「今日最多人買, 肯定係人頭氣球$20 ,(男人氣球定女人氣球好賣D?), 一樣喎, 因為假人多大人買畀小朋友囉」

我覺得紙膠帶$40, 雖然並不便宜, 但逐格漫畫差不多印齊, 收藏一流.

走入展場前, 記得使用PMQ WiFi 下載官方AR App.

之後在等待的同時, 就在門口與海報合照留念, 工作人員:「我借隻血的手你用啦!」

會場除了有AR眼鏡提供外, 其實, 如果你嫌麻煩, 他們連手機也可以商借.

AR互動區內, 全部十數張恐怖漫畫, 透過AR眼鏡欣賞, 全部漫畫主角也會又跳又彈.

而且最可怕的....就是眼鏡更會不時發出大大小小的怪異呼叫聲...好!!得!!人!!驚!!呀!!

走入「富江」區前, 記得枱頭望向天花板, 因為三位「朋友仔」正在歡迎你進入香港首播的驚嚇地帶.

真人 「富江」呀! 你可以隨時跟她交流, 交流...

我:「你又係富江, 唔著衫E個又係富江, 究竟有幾多個富江架?」, 真富江:「無數!!」(好鬼得人驚呀!!)

離開「富江」短片區, 就到達大師的工作區, 而且一個雙一公仔, 與一位真‧雙一君同時出現喎!!

轉一個位置, 又見到一位富江在欣賞畫作喎...

而香港獨家展區就有永不磨損型「富豪雪糕車」當佈景, 當中展示出1994大師有關雪糕車的作品「墓碑鎮」

因為真‧富江S, 與雙一君不時遊走不同展區, 而且又會主角與大家互動...

我問:「點解年輕版雙一君要咬住D鐵嘅??」, 富江:「佢話佢唔夠鐵質喎」

臨離開前, 大家記得走入「人頭氣球拍照區」, 自己變身漫畫中恐怖主角.

不過, 最好2個人齊齊影, 否則, 沒有帶阿囝來的我, 單獨拍照, 其中一個氣球就沒有人頭...(最衰12歲以下小朋友唔建議嚟囉)

早知...剛才強行帶同2位富江齊齊合照人頭漫畫相啦...到時效果一定更好玩.

PS: 因為每場只有一小時, 如果AR區放太時間, 可能又不夠時間跟真‧富江, 雙一玩遊戲, 而最尾的「人頭漫畫自拍區」或者想多拍2次...所以, 記得每區要分配好時間!!

《伊藤潤二恐怖美學體驗大展》香港站
日期：即日 – 2017 年 2 月 26 日
時間：10am-9pm（每日11場次, 每小時一場, 最後入場時間為8pm）
地點：中環PMQ G/F
費用：$100 (普通) / $200 (附限定人頭氣球布袋, 及人頭氣球）
訂票：http://timable.com/event/1249291#ticketing



大仁生活facebook