話說昨晚因為有小朋友要食芝士蛋撻, 於是我們又專程走到SOGO地庫, 正當買罷蛋撻之後, 竟然聞得陣陣麵包的香味!!
原來, 有一個7日限定的沖繩黑糖糕推銷攤位...一位日本師傅不停在蒸籠上端出熱騰騰的蛋糕!!
SY:「嘩! 好香喎」,工作人說接口:「新鮮蒸好架, 今日最後一籠啦, 唔買就要等到聽日, 黑糖味好香嘅」
我:「個樣好似硬掘掘嘅?」, 工作人員:「蛋糕蒸出嚟架, 軟腍腍, 好好食就真」
於是我便買了一個即食, SY:「嘩! 真係黑糖嚟喎, 好鬆軟喎, 真係唔硬架」
我一邊吃一邊說:「我最初以為係曲奇餅,
E家睇嚟...其實即係我哋嘅馬拉糕囉,
係甜甜地嘅馬拉糕...比馬拉糕濕D, 潤D, 口感豐富D」
吃完我又走回攤位八掛一番...我:「真係幾好食喎, 不過一個黑糖糕, 兩個人食, 咁鬼飽嘅」, 女店員:「硬係啦...麵粉嚟架喎」
店員續說:「你買一包調配嘅麵粉返去自己整仲抵呀! $75一包, 你用300C C水, 就可以做到15-20個, 抵過你現成買$25一個」(可惜我淨係識煮公仔麵架咋, 蒸包? 我屋企都無煲)
原來, 這個黑糖糕是沖繩特產,
二十年前由具志堅先生創製出來, 已經成為沖繩日常街頭小食甜品.
具志堅先生:「黑糖糕無蛋, 無牛油, 無大豆, 只係蒸, 好健康呀!」(所以, 我一早話係馬拉糕都啱咗一半啦)
PS:黑糖糕只推銷至2月28日 , 之後具志堅先生便回沖繩...阿太:「你哋兩仔爺去食黑糖糕都唔買畀我食?」
我答:「真係現場熱辣辣先好食,
一係我聽日去買$75黑糖糕粉你自己蒸, 不過, 我哋要買多個煲喎」
沖繩具志堅商店
黑糖馬拉糕 $25
自製粉包 $75 (約可製15-20個)
大仁生活facebook
沒有留言:
張貼留言