2017年2月2日 星期四

【真係玩冰雪】4大狂歡雪地Games攻略

自從SY知道年初五可以去玩雪, 近日不停問我:「瀡滑梯驚唔驚架? 」,「可唔可以同豬仔雪地玩捉衣欣?」,「我只係識溜冰, 唔識滑雪畀唔畀入呀?」


這位問題少年絶非浪得虛名...阿太問我:「玩雪米好凍囉, 要唔要帶定羽絨去呀? 」. 因為有朋友玩後有相放FB, 所以, 我知只有少少涼:「有件外套就得


一走入場館, 果然"涼風輕輕吹到俏然進了我衣襟", 好彩沒有短衫短褲走入來, 還是場內太空曠呢?


嘉年華有4大遊戲, 人龍最多, 又可以玩最長時間的, (足足20分鐘), 而且收費最平, (5個代幣) 一定是「浪漫雪園」區.


進入園區先著上膠雪橇, 小豬媽說:「有分紅色大人, 藍色係中碼, 小朋友就著黃色」


而且, 換鞋區旁邊還有大量工具可以借用, 小雪板, 雪仗...SY:「我要, 我要, 全部我都要」


SY坐上藍色膠車上, 阿太向前拉動, 小朋友玩得十分投入, 但阿太則氣來氣喘:「阿囝, 你就開心, 我無氣啦」



...不過後來有工作人員對我說:「或者你哋可以改用細板, 因為架藍色膠車係畀歲以下小朋友」


不過, 因為SY不太懂操作細板, 他試了兩次也滑不下去, 於是便索性用細板來剷雪, 而我亦同時加入剷雪行列, 互相攻擊!!


SY:「爸爸, 原來另外一邊有大暴風雪呀! 好勁呀! Yeah! E邊仲好玩」, 如果多兩條暴風雪大水管, 情況應該更加出神入化...


因為阿太上前拍了30秒杯緣子, 已經滿頭白雪, 阿太:「成身濕晒添呀! 幾凍呀!」


20分鐘一霎眼便過...小朋友不願意走, 我說:「咁再排隊玩多次啦, 橫掂咁抵」


「浪漫雪園」
代幣:5
時間:20分鐘
開心:★★★★★
抵玩:★★★★★
刺激:★★✰✰✰


在雪園玩完再玩後, 我們便轉了旁邊的「越野滑雪賽道」, 這個人龍明顯少得多, SY問:「玩咩架?」


工作人員:「你可以在賽道行一個圈, 或者你慢慢都得, 但係就5分鐘時間囉」


我不明白為何叫滑雪賽道, 因為一個U形的雪道, 最多只有兩個小小的一級階級高度的斜坡, 就連小朋友也覺得:「好簡單咋喎...」


豬仔更情願拾起地下的雪, 堆成雪球, 拋向剛才「浪漫雪園」的績分板後面...看來小朋友玩過好玩的雪園, 對這個賽道有少少嫌棄喎


「越野滑雪賽道」
代幣:8
時間:5分鐘
開心:★✰✰✰✰
抵玩:★✰✰✰✰
刺激:★✰✰✰✰

之後便來到逾10米高的「極速真雪滑梯」, SY:「嘩! 爸爸你之前又話好矮? 咁高, 好得人驚呀」


工作人員說:「120CM以上就可以玩啦...」, 結果, 很想玩的豬仔未夠高, 非常失望; 本來夠高的SY, 竟然屈膝扮矮:「我好驚呀!」


於是唯有變成大人出賽...老實說, 有個大水泡給保護, 驚嚇度都會有少少緩和


走上高台, 坐在水泡都不太驚, 最驚就是被人從後一推, 而工作人員要一定要我坐直直的感覺...


不過驚也不足2秒, 嘩!~呀~刺激都只係得2秒...好玩, 但太短, 而且都幾貴一次喎

「極速真雪滑梯」
代幣:18
時間:1次
開心:★★★★★
抵玩:★✰✰✰✰
刺激:★★★★★




最後就是「VR滑翔傘」, 最初我以為:「米又係VR, 都玩到嫌啦...」


誰知扣上安全帶如同攀包山嘉年華一樣之後, 原來, 會整個人也懸空離地, 我:「嘩! 正喎...十分超人一樣喎」


感覺如同自己真正飛上天上, Ironman一樣拯救雪地上的代言人. 不過, 可能我太投入, 我以為自己真的會飛, 玩到一半連VR眼鏡也掉了下來.


我大叫:「哎呀!原來眼鏡一跌落嚟, 個遊戲又即刻完埋...真係蝕抵呀! 我好想玩埋落去喎」, 可惜, 很多人排隊, 工作人員沒有理會我...




「VR - 高空跳傘及滑翔傘」
代幣: 18個
時間: 90秒 (約)
開心:★★★✰✰
抵玩:★★✰✰✰
刺激:★★★✰✰

玩完了4款遊戲, 小朋友一見到有爆谷又要滿足一番, 在場還有多個小食攤檔, 阿太:「早知頭先唔駛去FoodCourt同人迫啦, 由FoodCourt行過嚟又鬼咁遠」


有得玩, 小朋友就一定要玩過痛快, 於是在場邊的6個攤位遊戲就他們離開前也要逐一去衝刺...


全部攤位遊戲都是$10一次, SY:「爸爸! 係米好抵呀! 上次AIA都要$20一次」. (E位小朋友D記性真係幾好喎)


經過花掉$60後, SY說:「掟波波最好, 因為只要拋到一個波就有禮物」(扮晒專家咁款)


(咁最好玩係邊樣吖?) SY說:「射槍最好, 因為好易玩, 對準一個就慢慢打橫射晒隔離囉」


$10玩一次又確實OK, 不過, 我們要趕船回港, 所以也迫不得以要帶小朋友們離開...SY:「爸爸! 點解我哋唔住一晚呢?」


老實說, 即日來回真的很辛苦, 下次也是訂一晚酒店輕輕鬆好得多. 第一次8小時澳門遊, 自覺有點似打仗...就連精力充沛的SY在船上也自動自覺睡著了.


PS: 如果場內附設免費Locker會更加方便...可惜沒有!

狂歡雪地嘉年華
日期: 即日-2017/02/14
時間: 11:00-22:00 (Ticket Anyday)
地點: 澳門威尼斯人 - 金光會展E館
票價: $999,$180,$120

VIP $999
1) 不設時限 /附特快通道
2) 浪漫雪園、狂歡滑雪道、越野滑雪賽道(各2次)

成人門票 $180
1) 有效時限為4小時
2) 包8個代幣

兒童門票 $120 ~(身高不超過120CM )
* 三歲以下小童可免費入場
1) 有效時限為4小時
2) 包8個代幣


大仁生活facebook

沒有留言:

張貼留言