大仁生活: 【$29全港最抵!!】「騰騰震」超班~梳乎厘班戟

前晚經過白布街, 一條長長的人龍出現, 阿太:「嘩!乜間HeSheEat咁多年都仲有咁多人排隊嘅?」

望清楚, 原來人龍目的地不是HeSheEat, 而是旁邊新開的班戟店, SY:「爸爸...E間米係上年我哋食流心海膽波波嗰間?」

一見到有人龍店, 自己亦非常興奮, 問了店員星期開下午一時, 於是昨日便12:45走到小店前等開門, 非常好運的排第五.

先付款, 再等食物, 食錢窩夫（單味$29, 雙味$34), SY指定要朱古力味雪糕, 店員說:「我哋全部都係加Cream Cheese 唔係雪糕嚟呀」

SY:「爸爸...有張100蚊紙係度架...」, 平平無奇的窩夫, 加了一張鈔票"米紙", 即時呃Like感大增.

SY:「原來點完忌廉, 再點朱古力真係好好食, 爸爸...真係雪糕嚟架, 唔係Cream Cheese 呀!!」(因為佢嘅質感太似雪糕啫...雪糕會溶, 佢都唔會)

我:「我都係等班戟, 我始終覺得窩夫即係格仔餅朋友, 我不嬲都唔鍾意食格仔餅」

可能班戟只售$29, 實在太太太便宜, 所以等候時間需要約30分鐘...但一上枱, 已經發現又香又「凳下凳下」實在太可愛啦!!

原味梳乎厘班戟 $29, 自選單味 $34, 這款日系班戟, 絶對就是K11 PAN de PAIN ($68) 及西環點子 ($88) 的一模一樣. 但這裡只賣$29-$34

SY:「好好食呀! 100分呀! 軟腍腍架! 好正, 好食...」這種騰騰震的感覺, 太誘惑, 太想一口便整個班戟吞了落肚

阿太:「真係入口即溶喎, 咁以後唔駛去尖沙咀, 又唔駛山長水遠去西環食, E度已經抵食到笑啦! 平咁多, 又鬆軟, 真係好抵食喎」

小店的班戟又便宜又正, 難怪人龍從未間斷過!!

PS: 最初以為去年的Opium敵不過租金而結業, 回家找舊相時, 我才發現上年Opium的師傅, 不就是今日密密手製作班戟的同一人嗎?

大仁生活