昨晚, 阿太約了朋友飯局, 兩仔爺食甚麼好呢? 於是我提議:「不如我哋是旦買D串燒, 快快食完就去現時點睇玩具囉」
這個萬試萬靈的建議, SY又怎會抗拒呢? 於是我們走到荔枝角道的兩間串燒店買燒物.
SY:「點解要行到嚟E度買呢?」, 我答:「朋友話好平, 你睇7蚊隻雞翼, 台灣腸$10, 豬腩肉$8, 幾抵」
於是我向店員點選想要的燒物, 誰知她即場在玻璃櫃內取出食物...
我:「唔係即叫即燒咩?」
店員:「啱啱燒好咋, 仲熱呀!」, 錢已付唯有無奈接過比室溫還室溫的三串食物.
就在「哈哈小食坊」旁邊有一間橙色的「艾莉添小食店」, 賣的食物9成相似, 但就多了一口西多士.
SY一聽到甜品即說:「我想食呀!」, 沒有所謂啦, $10有八件, 抵到不得了. 當我付錢之後, 店員才開始打蛋漿, 炸麵包.
我問店員:「你哋全部都係即叫即造呀?」, 店員答:「基本上都係, (即時後悔, 頭先買得太快)」, 於是多買一隻雞翼$7 , 店員就在我面前燒...一比較兩間店高下立見啦.
5分鐘後, SY接過一口西多, 中央塗上花生醬, 外層炸得剛剛好, 加上煉奶點綴...10元的選擇就是無敵.
回程途中, 我們竟然發現比無敵更巔峰之作...SY:「爸爸! 原來$20真係可以買到飯食呀!」
我自己也不敢相信, 2017年可以用80年代價錢去買去骨海南雞飯!! 我問店員:「點解20蚊咁平嘅?」
店員:「老細益街坊囉, (做到幾時呢?), 暫時未知」不要緊, 總知我買了飯, 就回家開餐.
我特別買來兩間小食店的雞翼, 因為我想比較, 可能我不愛太重的味粉, 「哈哈小食坊」的雞翼放得太多味粉, 加上炸了一段時間, 回到家雞翼已經冷卻了.
豬腩肉很不錯, 每份肉也是一層肥膏, 一層肉, 再來肥膏, 非常均勻, 好食!!
期待已久的$20海南雞飯, 誇張得連雞骨也起了出來, 還附有一小樽酸辣醬...
雞油飯暖笠笠!略嫌少少油, 但好香...$20絶對出色, 超級, 超值!!
SY:「一碗有5件雞, $20有5件, 即係4蚊一件雞囉...」(你唔記得計D飯錢喎, 廿蚊真係無得頂啦)
艾莉添小食店
地址: 大角咀塘尾道193號
時間: 11:00-21:00 (周日及公眾假期休息)
哈哈小食坊
地址: 太子塘尾道195號
時間: 不詳
泰象苑 (外賣部)
地址: 太子道西96號萬年大廈地下
時間: 星期一至日: 11:30-21:00
大仁生活facebook
沒有留言:
張貼留言