年三十晚SY問我:「爸爸! 年初一我哋去邊度玩呀?」, 我想也不用想：「連續 8 年，新正頭都係同一個活動啦, 阿囝你應該實知道喎」
SY:「即係又係去大埔林村許願樹啦...」(Yes!!)。因為這是農曆新年的大仁生活呀!
自從前年發現大年初一, 大埔林村許願人數不多,
又有特快巴士25分鐘直入, 所以我們每年也定了年初一向林村出發.
因為今年許願樹旁邊多了一個「麥田捕手‧假日市集」 , 所以, 今日明顯遊客也較往年多, SY:「點解今日咁多人嘅?」
本來是空曠的巴士站旁, 年初一開始, 一連16日改建成為約20個手作攤檔的小市集, 彩繪紋身、押花、飾物、手作皮革等.
SY:「嘩! 原來仲有WeWa彈床瀡滑梯呀!」($38/10分鐘)
比較吸引我的則是$20「繪馬」許願檔,
SY:「我知...因為$20會送一包小小雞Lego吖麻」(梗係啦...棵櫻花又係假樹, 唔係為咗包Lego, 我都唔會玩啦)
不過, 有小朋友就被抽噹噹的遊戲吸引著, 乖乖奉獻了$10零用錢...可惜只抽到一早預料的細噹噹( 真係比鵪鶉蛋仲要細)
今年雞年, 當然要應應節來吃雞...奧爾良烤雞 $40 , 林村賣$10一罐可樂的同時, 全隻雞也只是這個價錢, 絶對超值!!
SY：「味道有D蕃茄味喎」, 同行的試食專員依莉詩:「D味真係好得意, 甜甜地鹹鹹地, 少少辣, 幾好食喎」
吃了雞又吃羊, 因為這檔羊架煎得香噴噴,
在等待的過程中, 負責人說:「請你哋食青春常駐南棗糕吖, 我朋友整呀!」
我最愛吃這些煙煙韌韌又正氣的甜品, 我八卦問:「我食咗會唔會都可以青春D呢?」負責人答:「你食完簡直變咗同你個囝一樣年紀呀」(咁我想幫你買晒佢)
$38竟然有4件羊架, 而且微微的黑辣, 肉嫩又香, 真的愈食愈肚餓呀!
不過天公不造美, 進食期間, 不停下著毛毛細雨, 為怕天陰再下大雨, 我提議先買許願寶牒及蓮花.
今年套裝價錢與去年一樣, 都是$50, 去年入場比較遲, 只能買入不能開燈的蓮花, 今年15:50, 貨源充足啦!!
雖然寶牒一早變成「剔出心願」的懶人願望選擇題, 但SY每年都很用心寫上願望，我也感到安慰.
寫過願望, SY興奮得即時跑到「許願池」放蓮花, 我家的小朋友還是十分愛玩水.
(之前你唔係話年年嚟許願樹悶咩?? E家又玩到咁開心)
因為, 我們有儲許願膠蓮花的習慣,
所以, SY一定會第一時間走到水池的末端,
撈起蓮花又要重新放一次.
SY奇怪問：「點解, 我見到其他D蓮花燈會閃閃閃呢?」係喎!!閃的感覺靚得多, 但浸濕了, 大會也不會肯更換吧!! 算啦!!
今年, SY只放了三次蓮花:「爸爸! 不如快D掟埋許願吉囉...(點解?), 因為我好想去食珍姐豆腐花池」
本來 SY 個人表演, 左掟右掟許願樹, 愈掟愈雀躍…但可惜人仔細細, 始終都不能成功…最後我說：「不如我幫你啦，騎膊馬啦…」
這個大人, 小朋友都非常開心的玩意,
不時聽到有人「Yeah！得咗啦…」;「好野！！終於掟到啦！！」
掟完又掟的SY, 最後亦成功將寶貼拋上樹上.
SY：「爸爸！！我掟中咗啦…咁你幫我攞返啦！」 (吓！係邊呀？咁高…點攞呀？？)
最後在膊頭上的小朋友也順利取回寶貼, 但心願紙撕破了, 此時SY竟然哭起來:「我驚願望唔會成真呀」(小三的阿囝, 依然有著一份童真, 忽然覺得這位老人精也幾可愛喎)
食豆腐花前, 我帶SY去看看真‧許願樹的遺址, SY：「點解真樹會死咗呢?(我：因為太重, 棵樹被好多好多橙壓死咗), 好慘!! 咁掟假樹米仲好...」(可能都係嘅, 話晒樹都有生命)
3檔豆腐花, 最好味一定是珍姐, 這是8年試食後的經驗, 而我們臨走前, 去了今年才首次出現的迷你花牌工作坊...不過...
負責人說:「工作坊要年初五先有,
$100一位, 完成後可以即場參加設計比賽添呀!」(又會今日無得玩嘅??)
話時話, 大家記得…最後一班特快專線
63R 是 18:30 開出…,
幸好今日沒有工作坊, 所以我們可以順順利利, 慢條斯理的乘18:10巴士回程...特快專線真好, 足足較64K巴士快35分鐘呀!~ 許願樹明年再見!!
<香港許願節2017 x 林村新春嘉年華>
日期：1月28日至2月12日
時間：上午9時至下午6時
地點：林村鄉公所路林村許願廣場
大仁生活facebook
幸好今日沒有工作坊, 所以我們可以順順利利, 慢條斯理的乘18:10巴士回程...特快專線真好, 足足較64K巴士快35分鐘呀!~ 許願樹明年再見!!
<香港許願節2017 x 林村新春嘉年華>
日期：1月28日至2月12日
時間：上午9時至下午6時
地點：林村鄉公所路林村許願廣場
大仁生活facebook
沒有留言:
張貼留言