今日走到香港玩具展預覽, 我第一眼已經被巨型韋基利所吸引, 我:「嘩!個VF-1J仲可以除咗個外殼出嚟呀?」
Kidslogic 負責人說:「係呀! 前後都可以揭開, 其實佢係一個3.1音響系統嚟, 全球限量300件咋」
非常震撼, 超仔細的手工, 非常想擁有呀! 不過, 我屋企沒有如此大的空間...嗚~嗚~
這座超時空要塞最賣點就是一輝前的操控台, 因為那個LCD芒真的可以播放任何影片. Kenneth表示：「你SD有D咩就可以播, 真係一個芒嚟」
而且每台1:6戰機機艙, 除了不能活動的一輝外, 更會附送多一個1:6有36個關節的一煇. 用來襯情景一流. $9980
原來, 一早在兆萬看到的叮噹,
萬能俠, 回到未來磁浮公仔, 一樣亦是Kenneth研發的. 叮噹, 大雄頭頂竹蜻蜓一接觸磁浮座台, 即時會轉! 勁!
當然, 聖誕在TheONE陪我們的小雲, 小吉, 竟然有如此多款色的音樂盒喎.
Kids logic Ltd
本來, 我以為這部「平板車」是電子磅來的...負責人Kenes說:「E個唔係電子磅嚟呀!」, 正正方方的4輪電動車, 可以配合手機Apps搖控.
原來選擇以手機控制前, 後, 左, 右之外, 這台「平板車」還可以限速,
Kenes:「咁你陪囝囝玩嗰時, 就唔怕佢走得太快啦!」, 我:「佢最重可以承受幾多磅?」
Kenes表示:「最重200磅 都得呀! 你要唔要試下玩?」, 最愛玩的我, 二話不說, 即時坐上平板車, 任由Kenes帶我向前, 向後, 向左, 向右...Yeah! 「iCarbot手機智能4輪平板車」 $3999
原來, Kenes還研發了一個可以伸縮變型的航拍機 :「我哋可以將部航拍機收回變成搖控一樣大的Size, 佢仲會有聲控功能添」
「KONSEPT
VR25 摺疊式口袋航拍機」$599
我奇怪問:「點解你哋咁多積木嘅?」, Kenes :「我哋主要係設計塑膠連接扣,
可以同你哋市面買到嘅積木結合, 變成可以拉伸, 反彈, 360翻轉...」
真的有趣!, 因為加入了拉力的原故,
所以可以有更多變化, 就連弓箭的玩法一樣可以做得到.
無敵! 「Miraco積木連接扣」$69-$99/(100-300粒)
PLAYABLE Creation
Ltd
Kokuyo文具有一個環保釘書機, Agnes:「咁就唔駛再用釘, 其實, E家有航空公司地勤人員都用緊我哋E款釘書機呀」
如果不嫌棄紙張的角位會有一個小孔, 其實, 這部釘書機也不失是一個好選擇. 免釘釘書機$100
另外, 我問:「E啲改錯帶有咩特別呢?」Agnes:「佢唔係改錯帶嚟呀, 其實佢係雙面膠紙」
這個雙面膠紙的設計非常好, 因為我經常覺得要翻出雙面膠紙的面層, 非常難怪...我:「個D心心有咩用呀?」, Agnes:「無嘅...只係靚嘅啫」(哦!)
Dotliner雙面膠帶：$33
筆袋變筆筒, 2合為1的設計 $60
5B-A20
Kokuyo Company
Limited
曾幾何時, 我也學人上網去練習還原扭計骰,
不過, 學懂後不再練習, 不出一個月便已經通通拋諸腦後...今日, 竟然發現有智能扭計骰.
Kevin :「只要你跟足手機Apps, 先拍下扭計骰中央的6粒顏色, 之後跟隨步驟, 一步一般步做, 即時可以還原...」
之後我問了一個愚蠢的問題:「中間嗰粒顏色唔會變嘅咩?」...Kevin:「中間永遠都唔會郁到呀!」(係喎...我真係蠢!!) 智能扭計骰 US$20
Mega Zone Creation
Limited
除了玩具展, 文具展, 同場還有香港嬰兒用品展, 今年吸引來自27個國家及地區、約540家參展商，單單韓國館便有32家參展商，規模較去年增長超過八成。
文具展：www.hkstationeryfair.com/tc#sthash.nIraEXq7.dpuf
嬰兒用品展：www.hktdc.com/hkbabyfair/tc#sthash.nIraEXq7.dpuf
香港玩具展 & 香港嬰兒用品展:
日期：2017年1月9至12日 (星期一至星期四)
地點：香港會議展覽中心 (灣仔)
立即登記: https://goo.gl/cjPCAJ
香港國際文具展:
日期：2017年1月9至12日 (星期一至星期四)
地點：香港會議展覽中心 (灣仔)
立即登記: https://goo.gl/3MCkbO
大仁生活facebook
沒有留言:
張貼留言