2017年1月25日 星期三

【玩HIGH啲2.0】摩天輪底下的年宵 @ Mart in Hong Kong

昨日又帶SY去行年宵, SY:「係米可以再去反斗城呀?, 我答:「中環摩天輪下面攪咗個新嘅年宵喎, 所以我想去睇下」


朋友前一晚玩完, 我問:「好唔好玩呀?, 朋友A:D人瘋狂玩掟彩虹, $5一次, 因為大獎係iPhone7, 仲有機票」


所以, 我第一時間拉了SY去「雞不可失~掟彩虹 ...走到檔位前, 我發現寶物, 即時問工作人員:「個Bearbrick要點先會有呀?



工作人員指住一個約只是十元硬幣大小的圈圈給我說:「放心, 我哋有幾個圈圈嘅, iPhone7先難, 真係一個5毫子大小架咋」



結果... 當然,我們2次也壓界...工作人員:「已經好叻啦, 再去換代幣嚟玩過啦」, 心諗:「咁貴, 掟咗十蚊真的肉都赤晒」



彩虹側邊可以免費許願, 我問SY:「你想要邊一條揮春呀?



SY:「要咩有咩...因為我想買好好多卡呀!(點解你成日都只係掛住卡架?)



許願樹旁邊有免費試飲盤菜瑩子C...我問:「真係連FB都唔駛Like就免費有得飲?,檔主:「係呀! 3歲以上就可以飲啦」



SY一邊飲一邊笑說:「原來好似汽水呀! 唔掛得知個姐姐(盤菜瑩子)笑得咁開心啦」


之後對面傳來極香的燒雞肉串$50/2, 店員說:「我哋D雞肉會部日本德島食運過嚟, 真係最多人買」



原來這個日本鳥協會, 檔肉有一半是日本人喎, 而即燒雞串果然零捨不同, 很好咬, 很入味, 心諗:「又一次証實, 日本真係乜都好」



上個月去過的懷舊勝地「美樂士多」, 原來在今次年宵中亦有擺檔, 而且還很大規模, 有糖食, 有得玩, 有綠寶...



兩個攤位遊戲...$10掟綠寶圈圈, 連續三次, 即全中便可以獲得大量零食...



結果, SY全軍覆沒, 而我且非常幸運, 中了一個圈, 一大排香口膠呀!



而士多的另一遊戲則最受小朋友歡迎, $10撈波波...SY:「唔係撈金魚, 我可唔可以撈呀!



結果, 第一個紙捧捧, 浸水太久, 一粒波波也沒有...眼見不悅的SY, 唯有再付十元給他再一次機會, 今次他終於撈了2粒波波...



有人還要即場玩彈彈波, 但又怕波波被彈走, 玩得顫顫驚驚...十分好笑.



5色餃子$40, 我問有得餃負責人那一款好愛歡迎呢? 負責人答:「小朋友就係粟米, 大人就香蔥囉」



不同顏色就代表不同味, 略嫌碗底放了太多豉油, 還是愛純樸的味道多一點.




「八十花火」的花火瓶 ($250), SY一見到即大叫:「特飲呀! 上次我哋去買有個燈仔支梳打呀」



店員:「唔飲得架, 係用乾花再浸藥水, 係裝飾嚟呀!(靚就好靚, 但係都幾貴)



準備會於屯門開芋圓小丸子的店舖,  紅豆+蕃薯圆+小丸子+ 芋圓+ 大西米豆腐花 $30



不會太甜, 小丸子及大西米又煙煙韌韌, 真的很合我口胃, 如果可以大碗小小就更開心啦!!



因為望到MINI JOBS有梳打以奶樽盛載, 即時好想買一支...因為SY愛荔枝, 所以便買了一支...人龍可能是全市集最長的.



我們買了後, 籌號又要再等10分鐘才可以有製成品, SY:「點解唔係人人都飲奶樽嘅?(因為普通樽平$5...)


原來. 6年沒有再用奶樽的SY已經忘記了「如何飲奶樽」



:「奶樽要向上, 你向下會變得好難飲喎」, SY:「無所謂啦, 慢慢飲仲更加Perfect



忽然路過出口前的大電視, SY:「咁多人嘅? 玩咩呢?, 原來, 一大班朋友正研究如何「奪寶奇雞」..



我遞了手機給SY:「用手機連線玩呀!..., 玩了一回, SY猶豫:「都玩唔到嘅?,旁邊姐姐說:「你揀咗龜就要食雞呀!!, 原來, 打完就可以得到環保袋...(不過, 屋企好多環保袋, 有冇覺得E啲唔環保)



我們13:30入場, 心想:「好似無乜人嚟咁喎...」,, 誰知到16:30離場時, 長長的人龍一直排到轉灣, 嘩! 幸運早來不用排隊啦!



中環年宵 2.0 (Mart in Hong Kong)
地點 : 中環海濱 - 摩天輪底
時間 : 即日至1 月 27 日 11:00 - 23:00
入場費 : 全免


大仁生活facebook

沒有留言:

張貼留言