網頁

2017年1月20日 星期五

【朱古力尋寶】情書都可以食?? 仲有得玩專屬Flip Book

一年一度海港城的「情.尋朱古力」又來了!! 去年可以印自己樣上朱古力, 今年更加好快.


我跟SY:「我哋又去食朱古力囉!! 『猜情尋』呀!, SY望一望宣傳單張得戚地答:「爸爸! 人哋好似叫情‧尋朱古力喎」(係咩? 睇錯啫)


今次, 在近港威位置, 有專為你「寫這高貴情書」的服務, SY:「吓? 真係將D字寫上咁大塊朱古力度呀?


可惜暫時只可以寫英文, 雕刻一塊情書朱古力, 只要捐款$150, 便可揀選士多啤梨或牛奶味的情書.



SY:「真係嘥晒D朱古力呀! 爸爸...你仲寫咁多字上去...寫少D, 我就可以食多D囉」


說時遲那時快, 小朋友真的想吃雕刻完的碎碎..工作人員即說:「唔乾淨架, 唔好食呀...你都係食返大大塊情書啦」



製作完大情書, 我們便用$240購買朱古力通行証, 憑証可以到指定十間朱古力店換曲奇, 雪糕, 或朱古力.


不過, 未出發前, 我們先玩通行証附送的小遊戲, 做本迷你小Flip Book.



其實, 是由8秒的短片轉為28張相片, 之後工作人員就會幫你釘裝...SY大叫:「唔夠高...唔夠」



於是, 我便抱起大大隻的他, 拍了兩次, 從中揀選比較好的一次.



原來, 整個過程非常快, 我向釘裝的工作人員說:「嘩! 你真係摩打手喎」



: Flip Book工作坊只於逢星期四、五、六、日及公眾假期開放. 如不購買通行証, 亦可即場捐款$4參與.



之後便是今日的戲肉, 小朋友非常聚精會神計算吃那間店舖那款朱古力, 我問:「同一間用晒12個代幣米得囉」



SY:「梗係唔得啦, 爸爸!! 你有冇睇到...D個樣唔靚, D只係曲奇餅, 仲有D係要2個代幣, 所以我一定要計清楚架」



今次真的大製作...港威8, 海洋中心一間, 海運一間, 我要陪太子換朱古力巡遊整個海港城呀!!



因為, 每一張通行証都會附送一個9格的朱古力盒, 所以, 每間店舖的工作人員, 定必會珍而重之幫忙將朱古力放入你的禮盒內, 細心有心!!



我問SY:「嗰盒只可以裝到9, 咁我哋米要即場食3粒囉?


SY氣定神閒答:「唔駛...因為頭先米Honey已經要2個代幣, 同埋一陣我一杯雪糕, 你一杯雪糕, 又用咗4個代幣, 所以個盒實夠位」



小朋友, 你用甜品來計數真的很精準喎. (每換一次, 手機的網頁便會減去相關數量的代幣.


今日遊遍整個海港城, 運動量絶對是一個月的總和, 真的疲累. 幸好最後可以換到一杯非常好味的椰子雪糕, 我問:「你哋個雪糕入面真係有椰子喎」



店員答:「所以去貨去得好快, 好多人買呀!


SY:「我好驚椰子陣味, 我都係鍾意朱古力, (咁你今日好開心啦?), 係呀! 超開心呀! 爸爸! 不如你再捐多$240蚊啦」



:「不如...下次媽媽陪你去反斗城嗰陣, 順便叫佢捐吖, 佢都好耐無做運動喇」




「情.尋朱古力」2017@海港城
日期:即日‑2月19日
時間: 10:00 - 22:00


「情.尋朱古力」通行証
價格:每張HK$240
即可於指定十間朱古力及甜點店, 換取最多12件小食.
(通行証包括: 免費製作Flip Book + 「童嚐朱古力Mini Truck」)


甜蜜Flip Book
逢星期四、五、六、日及公眾假期 及14/2/2017
時間:15:00– 21:00
方法:捐款$40, 或商場餐廳消費滿$200


雕刻朱古力專屬情書
日期:20/1 – 19/2
時間:15:00 – 21:00
方法:捐款HK$150予「香港血癌基金」


「泰山自煮」童嚐朱古力Mini Truck@海運LCX
日期: 21/1 – 19/2/2017 (逢星期六及日, 28 – 29/1除外)
時間:14:00–18:30 (4pm – 4:30pm 除外)
方法:捐款HK$80予「香港血癌基金」, 即可換領朱古力美食


大仁生活facebook

沒有留言:

張貼留言