今次又是因為屯門搵食地圖推介, 震撼海鮮丼, 及海膽丼...路途遙遠, 本來想預先訂位, 誰知負責人回覆沒有留位服務.
屯門友子子媽:「佢海膽丼限20份, 海鮮丼30份, 中午入嚟穩陣D, (佢剩係開晚市), 嘩! 佢咁好賺呀?」
好賺與否, 我並不知道, 但18:00開門, 17:30已經有人排隊, 而人龍更加一直至我們吃飽離開時, 仍然有新朋友加入. 真犀利!
基本上全店只有17個座位, 今晚17日全部不是點選「壱の重丼」(試業價$168), 便是「三國海膽飯」(試業價$208)
我問負責人為何取消了另外兩款丼飯呢? 師傅一邊忙一邊答:「因為得我一個人, 做唔切, 遲D上咗軌道先做返啦」
「壱の重丼」海鮮包括 :巨型牡丹蝦, 厚切大吞拿魚X2, 一堆蔥吞拿, 加拿大海膽, 深海池魚, 及章紅魚.
連平日只吃三文魚的SY也不停搶食大拖羅!!
SY:「E隻波蘿真係好好食呀!」(係拖羅, 唔係菠蘿呀! 阿囝)
阿太:「你睇下D魚嘅油脂, 真係好新鮮, 連隻蝦都鮮味到不得了,
D肉又彈牙」
而我的三國海膽, 一次過集合「韓國」, 「加拿大」, 及「日本」的選擇, 店員建議:「用鵪鶉蛋撈勻D海膽, 落少少豉油就好夠味喇」
當然三一萬能俠結合前, 也逐一試試味, 果然日本的最出色, 甘香又夠甜, 而加拿大海膽, 雖然鮮但帶少少苦, 韓國最濃最搶最刺激.
攪拌後的感覺有點似免牛飯...我:「真係好似太大嘥喎!!」, 阿太:「畀我就唔撈, 慢慢一啖飯一啖海膽, 試勻佢三隻味吖麻」
本來每次去元氣只肯吃三文魚, 及粟米的SY:「原來海膽咁正, 拖羅又咁好食喎」(等你之前仲以為我呃你咁)
阿太:「E度仲鮮味過元朗丼家, 真係山長水遠入嚟食都值, 不如趁佢試業前咗嚟食多試,
完咗加返價就無咁抵囉」
漁匠屋
地址: 井財街21號號協邦大廈
營業時間: 18:00 - 22:00
大仁生活facebook
沒有留言:
張貼留言