【愛麗斯喜歡甚麼信物】真‧ 秘密花園Cafe @ 旺角

上星期, 子子媽問我:「你去咗愛麗絲Cafe未呀?」, 我完全不知甚麼來龍去脈, 上Cafe FB才發現:「哦!! 油麻地新開嘅主題Cafe」

本來想訂周末晚, 但一早已滿坐, 於是便改預約星期三晚, 一走入這幢Cafe...SY:「嘩!! 真係愛麗絲故仔一樣架!」

短短的走廊已經佈置得非常忠於原著...兩邊的故事簡介, 天花頂的鋼琴及時鐘等, 有一刻我以為去了迪士尼呀!!

單位細細, 但店主也在中央預留一處拍照位置, 秘密花園有主角們的剪影伴隨, 還有一系列道具可任意借用...

阿太:「我真係無諗過E度扮得咁靚, 成個童話森林一樣, 仲真係有咁多大大塊啤牌添, 老闆梗係好鍾意愛麗絲」

原來, Cafe的其中一位老闆的太太是忠實愛麗絲粉絲...老闆說:「E度擺出嚟嗰D嘢都唔及屋企收藏十份之一呀」

嘩! 原來為太太的收藏開一間Cafe, 還要親自下廚任大廚, 這位愛妻老闆, 怕不怕會招來其他男士的杯葛呢?

每張枱也放了一本《愛麗絲夢遊仙境》的故事書...最吸引的一定是其中一3D立體書...SY:=「真係會張枱出嚟喎!」

另外, 陀錶、公仔及迷你門亦是每一張枱也有不同的款式...不過, 食物方面...

因為還是試業階段, 食材可以說是非常緊綴, 全部甜品只剩一款, 唯一的湯亦欠奉, 日式糖心蛋沙律 ($68), 沒有了蛋改為煙三文魚.

沙律應該也不會出現難食的, 正正常常吧! 店主很有心思的每款食物也改了一個與故事有關的名字...我們的沙律名為「跟著白兔先生」

豬頸肉鮮茄意 ($108) 有一個故事名稱「神秘鏡中屋」, 神秘與否就見仁見智, 今晚沒有豬頸肉改為雞件就一早預告了. (兔仔剪影米紙就是與故事唯一有關的物件)

近6年沒有開爐的阿太:「嘩! 同我煮一樣咁難食, 無味嘅, 好奇怪...」, 我:「仙境D人練仙架, 唔食嘢嘅, 點解呢? 因為食物難食囉」

最後就是唯一個蘋果朱古力慕絲 (瘋帽子的懲罰) $68...終於有一樣好味道的啦!!

SY:「好食! 朱古力真係好」, 今次小朋友真的沒有說錯, 因為慕絲不會太甜, 而且內裡還有蘋果粒粒... 阿太:「甜品真係正好多喎」

老闆每枱都會致歉說:「試業階段，多多包涵, 上菜時間較長，質素一定會改善」(因為你誠懇, 我信你...否則你真的會辜負了愛麗絲喜歡的信物呀!)

愛麗斯夢遊Cafe
地點: 油麻地彌敦道577號高氏大樓6樓B號鋪
時間: 2pm-11pm
電話: 6595-1177




大仁生活facebook