【你會點揀?】抹茶火鍋 正版 定 翻版 ?

 自從上次去過大坑食「暖笠笠抹茶火鍋」, 一試難忘...阿太說:「E家唔駛過海啦, 油麻地都有得食...」

我以為Echigoya開分店, 誰知阿太補充:「唔係分店, 係你上次去買「Minions」同「三眼仔」熱香餅嗰間」

煙廠街這甜品小店OCIO絶不簡單, 下午1時坐無虛席, 幸好有訂位, 大約等了15分鐘, 火鍋便到了.

其實, 別人推出了, 有人模仿相同概念, 製作差不多的產品, 絶不是問題, 最大問題是有沒有創新及試意.

大坑一早推出的「抹茶火鍋」$138,  有雲尼拿雪糕X3 ,  蛋糕, 香蕉, 士多啤梨, 粟子, 紅豆蓉, 還有即點即做煙煙韌韌小丸子!! (毋須加一)

這裡的火鍋$139, 內容包含, 窩夫X3角, 香蕉, 士多啤梨, 現成雪糕糯米糍X2粒, 棉花糖, 還有一小堆忌廉.(記得要再加一服務費)

陣容高下立見, 可能煙廠街舖租較大坑貴得多的原故吧!

阿太:「嘩! 個抹茶咁甜嘅?」, 嗜甜的SY:「少少甜啦, 係甜過大坑嘅, 但都好好食吖」

其實, 用來伴窩夫問題不大, 但若果配棉花糖則甜上加甜, 非常恐怖.

我:「用抹茶混滿整粒雪糕糯糍, 暖暖凍凍咁又幾好食喎, 不過真係幾鬼甜, 係米溝得太多白朱古力呢?」

今次的火鍋湯底是京都山政小山園抹茶粉打做, 之前看網站介紹可以自行加入法國忌廉, SY問我:「點解我哋無得加嘅?」

後來, 才知傳媒人與普通人的分別吧...工作人員說:「廚房一早為你哋加咗入去啦」(哦! 即係又少咗個賣點囉)

總括來說, 我情願過海再食, 也不想看到毫無誠意的抄襲品.

相關網誌:
【烚下烚下】絕配!! 抺茶火煱 ~ 仲免費添一次


Ocio
地址：旺角煙廠街 33 號朗廷軒地下 B 舖
電話：2886 8903
備註：6pm 前及 10pm 後供應



Echigoya 越後屋
https://www.facebook.com/Echigoya.HK
地址：大坑施弼街 27號地下


大仁生活facebook