【贏糖‧贏貼紙】免費「“反”斗城」玩具年宵 @ 玩到唔舍得走

話說昨日帶SY去維園年宵, 他不停催促我:「幾時走得呀? 幾時先去反斗城呀?」,因為一早向SY預告:「今晚帶你去《玩具反斗城》有玩『玩具年宵』」

因為, 上年他跟小小豬已經玩過一次「“反”斗年宵派對」, 所以, 昨日, 有人在維園不停叫我:「快D影完走啦, 我想到豬仔玩呀! 我想贏多D糖呀」

今年尖沙咀店的玩具年宵攤位, 大約有十多檔, 跟去年一樣, 每檔一款玩具或小遊戲給小朋友免費任玩.

SY拉實豬仔說:「我哋不如順序玩啦, 好唔好?」, 可憐的豬仔就被SY拉了去彈Hello Kitty琴...

彈完琴, SY就連Barbie換衫也不放過... 玩完SY問姐姐:「我會唔會有禮物呀?」, 姐姐掘搖搖頭:「後面Thomas攤檔就有貼紙送囉」

誰知SY二話不說, 便拉了豬仔去玩都Thomas配對卡. (阿囝...你會唔會太目標為本呢?)

配對卡很好容易玩, 兩位小朋友也獲得貼紙, SY:「爸爸, 唔該幫我袋住張貼紙啦, 我要繼續贏其他禮物呀」

之後的比較親子樂遊戲, 可以一人, 二人, 三人玩, 用電動膠勾吊戒指, 我:「好易啫!」,SY:「佢不停轉, 真係好難就真呀!」

結果, 古惑的SY, 大力捉住 膠勾的前端, 防止它轉動, 於是便順利勾到戒指...哥哥說:「好啦, 都算你啦, 你都要記事簿定利是封呢?」(其實...我2樣都唔想要)

之後BB8, 非常吸引SY, 可惜是不是那遙控沒有電, 還是小朋友不懂操控, 隻BB8好像不太走動呢!!

玩堆沙的時侯, 兩位小朋友也玩到不願走, 我說:「好似無禮物喎」, SY:「好玩就得啦, 好玩我唔駛要禮物」

最新HOTWHEELS組合...我覺得似發洩工具多一些, SY似十足打仇人一樣, 大大力的按動發射汽車鍵...我:「細力D好喎, 我無錢賠」

哥哥:「唔緊要, 無咁易爛嘅, 小朋友, 我送返貼紙畀你哋啦」, SY :「哥哥, 點解枱底有D Folder 嘅? 」(哎呀! 平日怕羞的SY, 點解一有禮物可以咁主動?)

哥哥:「咁都畀你發現添...你玩多一次, 贏咗就可以送畀你」. 結果再玩一次的SY及豬仔, 得賞所願的又有貼紙, 又有Folder.

再向前走, 一個在鯊魚咀釣小鯊魚遊戲就非常受小朋友歡迎, 因為可以最多同時4人齊齊釣魚之外...成功釣到鯊魚的, 更可以有糖食呀~

貪心的SY帶著豬仔連續玩了三次...真的希望豬仔媽不會嫌我囝帶壞純品的豬仔啦!!

最後, 就是令SY雙眼發光, 玩完又玩, 不停玩, 玩過再玩的幪面超人鎧武腰帶.

我:「你屋企都有E條皮帶啦, 你仲玩?」, SY:「玩一次之後, 姐姐會送一張非賣品卡畀我呀」

其實, 你玩一次已經足夠吧! SY:「每次打卡機要三張, 我又想送一張給子子...好快啦...我玩多兩次就走, OK?」

終於, 玩到Geoffrey出場...姐姐也暫時收市, 因為Geoffrey要出來跟小朋友玩遊戲, 送小揮春. (好彩有Geoffrey, 如果唔係SY真係可以玩過不停)

Geoffrey離開之後，我見小小豬手持Hatchimals Egg向SY推介...其實, 我聽得不太清楚, 後來豬仔媽說:「E隻會孵化一隻講嘢公仔嘅Hatchimals Egg之前缺晒貨喎, 原來蛋蛋返左貨喎」

我知SY心不在焉, 因為他對公仔只愛布甸狗...當大家拍攝完大合照之後, SY問:「爸爸, 我可唔可以再玩一次所有攤位呀?」, 原來, 玩具年宵攤擋真的有如此大的魔力!!

「“反”斗年宵玩具巿集」
日期： 1月25日至27日(年廿八至三十)
時間︰ 晚上6時至10時

地點︰ 尖沙咀店 (地址：尖沙咀海運大廈地下 OTG23 號舖)
銅鑼灣店 (地址：銅鑼灣皇室堡 7 字樓舖)
沙田店 (地址：沙田新城市廣場第 3 期 1 樓 A198-A199 號舖)


Website： http://www.toysrus.com.hk
Facebook： http://www.facebook.com/toysrushongkong


PS: 後記...
《變形金鋼1:14 遙控變身車》遙控可變身，SY:「嘩! 變車...變機械人...變車...變機械人」不停變好興奮。

搖控用AAA電池, 而變形金鋼車則以專用叉電便可, 玩具都是可以變來變去最合適阿囝!

大仁生活facebook