一間文化, 素食, 藝術, 郊遊的清新地, 位於「清涼法苑」內的「清山塾」.
兆康站F出口往嶺南大學方向, 經天橋至虎地消防局, 再往對面走2分鐘便看到目的地. 阿太:「你又話好難搵嘅? 我仲以為要行好耐添」(因為有前人指路吖麻)
這裡本來是「見修幼稚園」, 廢校多年. 早年亦改建為茶室但數年前亦已結業, 阿起與朋友看中這裡, 於是翻新成一個結合文化藝術和私房菜的地方.
阿起:「我希望以推動文化為主, 而唔希望大家只為食而嚟, 所以, 我哋邀請了藝術家岑愷怡係庭園設計了大大小小嘅彩虹攀架凳, 你同囝囝都可以任玩任影相呀」
SY一聽到可以玩, 9秒9又跑了出去, 逐個彩虹架攀攀爬爬, 真的為我解決不少「陪玩」問題.
藝術品也可以任攀任爬, 真的非常不錯.
之後, 我走了出大拱門前拍照, 突然SY竟然大叫:「Yo~Ho」, 我說:「你估你去咗郊外咩?」, SY:「E度唔係郊外咩?」(老老實實, 又真係幾鬼似去咗郊遊嘅)
「清涼法苑」保留了當年的古舊建築, 看看牆上的壁畫, SY:「又唔係真花有冇好睇呀?」(咁我帶你去睇真花囉)
三個荷花池, 可能欠缺打理, 只剩一個有兩, 三朵花在開放...SY:「爸爸! 你影完未, 可唔可以抱我入去無水嗰個池玩捉衣欣?」(阿囝, 你真的無時無刻也要玩)
時間差不多2時, (其實我一早已經肚餓), 於是便返回清山塾吃午餐, 這裡的餐具, 碗碟, 清水也是自形服務.
SY看到餐牌:「哎呀! 點解係用你包嘢嗰D紙皮做嘅?」, 店員說:「環保吖麻」
不過, 因為差不多到下午茶, 午餐就只剩翠肉瓜漿貝殼粉 ($86), 阿起:「因為今日第一日正式開, 我哋無諗到有咁多人嚟, 所以飯一早賣晒, 唔好意思」
午餐會送新鮮南瓜湯, 及阿太最愛的青瓜沙律. SY:「食齋真係唔多啱我, 好彩有杯朱古力, 一啖貝殼粉一啖朱古力, Beautiful」
阿太:「唔係喎, 貝殼粉上面有露筍,翠肉瓜汁又夠清新, 清清地都幾好食喎」
我問阿起:「你係米食素食咗好多年?」, 誰知他答:「我唔係食素嘅, 我最拿手係煮雞, 不過這裡業主要求只可以做素食, 所以我就就嘗試吓自己範疇以外嘅能力啦」
之後, 我們又點了紫薯波波($38), 我問:「紫薯搓成波波幾得意喎, 阿起你係上面舖D乜呀?」, 阿起:「係蘑菇醬」
暖暖甜甜的紫薯, 再配上略帶輕鹹的蘑菇蓉, 真的又香, 又甜, 又鹹, 又有賣相, 非常不錯. 不過, 如果下午茶可以包飲品一定會更好.
本來, 我們想點這裡的皇牌翠肉瓜雜菜批, 但阿起說:「唔好意思, 本來應該一早就焗, 但因為今日遲咗放入焗爐, 所以可能要今晚先焗得到...」
之後, 他們送了兩塊曲奇給我們, 阿起:「曲奇係附近街坊幫手整架, 有4種味, 抹茶更加特別告到我哋門前青山塾嗰地標石山一樣, 你試下好唔好食?」
紅梅味道非常鮮味, 清新口味, 抹茶味雖然不是十分濃郁, 但最重要是人情味, 我感到手工的心思, 我喜歡食得有意思的感覺.
阿起:「其實, 我哋會定期引入唔同類型嘅書, E家書架有素食嘅, 文化, 食譜, 仲有親子插圖, 應該好啱你囝囝睇...」
可能是陌生人的說話更有威力, 平日很少看書的SY, 也花了數分鐘翻閱了書角的圖書.
最特別的是, 不同的書籍附近, 也有短短的內容簡介, SY:「原來一家人吃飯, 不是為了吃, 而是要分享故事」
我:「咁你唔好玩咁多手機啦」, SY:「媽媽成日玩手機, 唔同我傾計之麻, 都唔係我」(係囉...阿太, 身教好重要呀. 唔該唔好玩咁多電話啦)
臨走前, 八卦的我問阿起:「點解出面有咁多花牌嘅?」, 阿起:「因為我哋不時會舉辦工作坊, 例如素蘿蔔糕班, 迷仔花牌班, 嗰D係師傅之前嘅作品」
今日, 過了一個非常充實的下午, 偷閒中又感受到文化的氣息, 簡簡單單的郊遊, 放空舒壓, 不錯!不錯!
星期二至五 12:00-21:00
星期六、日 11:00-21:00
*星期一休息，如遇星期一為公眾假期則改翌日休息。
*農曆年初一至三休假，年三十晚收17:00。
塾內暫無wi-fi、不得用外帶食品和酒精飲品。
電話：2461 6288
網址：http://casphalt.hk/
【週末私房菜晚餐】
- 星期六、日及公眾假期私房菜時段18:30-20:00，如無訂位只提供飲品。
- 每位$200，4-10歲半價，4歲以下免費。
- 預訂需於星期四11am前預訂，落一半訂金為準；歡迎PM或致電查詢。
平日不設私房菜, 但有提供晚餐供應 (價錢約$130-$150)
大仁生活facebook
沒有留言:
張貼留言