【Angry Birds嚟啦!!】跑﹗碌﹗彈﹗跳﹗玩到笑﹗

黃埔一通地鐵, 上次聖誕玩完雪, 霎眼又到新年活動, 今次竟然來了Angry Birds.

一聽到Angry Birds, SY非常開心:「嘩! 正呀! 好玩呀!」(你都未去, 又點知實好玩?)

SY:「梗係啦...次次Angry Birds 都係彈佢, 射佢, 咁就梗係最好玩架啦」

今次商場有三個遊戲, 只要全部完成就可以得到自助製作Angry Birds銅幣一次.

第一個遊戲:「雞咁腳走障礙跑」~ 只要不跌落波波池, 再通個隊道就算贏, 零難度.

不過, SY及子子似乎愛走入波波池玩, 多於在賽道上跑喎.

子子:「我想要隻豬仔呀!」, SY:「Yo-Ho 掟你」

兩位小朋友不停玩波, 不停掟公仔, 我:「你哋都輸咗啦, 因為一掉落波波池就輸啦」

子子:「我企返上嚟啦」, SY也快快從波波走上鳥腳上:「子子, 我追你啦...」於是他們又嘻嘻哈哈的走了出去.

第二個遊戲: 「金蛋滾動碌保齡」~ 不用多說, 即是打保齡球啦!!

子子二話不說已經來了一個全中...而SY則補中也未能擊倒所有保齡球樽.

但奇怪的是SY竟然走了入賽道, 將被打亂了的保齡球樽重新排列整齊...

我問:「姐姐會執呀, 你唔駛執架!」, SY:「我想執呀! 我鍾意排返好整齊」(小朋友是不是患了強迫症呢?)

第三個遊戲: 「百發百中彈彈彈」~ 三次機會掟走綠色豬仔!!

這是最難的一個遊戲, 因為參加者只有三次機會, 但要成功去除四隻綠色豬仔. 小朋友們本來也很守規則, 每人也在指定範圍外作賽...

但當一次, 二次, 三次也未能掟中綠色豬仔後...他們已經不理限制, 直情走到綠豬前出力發洩. 子子:「Yeah!Yeah!Yeah!」, SY:「我都掟中啦...成功啦我哋」

工作人員說:「好啦!! 見你哋玩得咁開心, 就送畀你哋自製Angry Birds銅幣啦!!」

子子:「我想做黃色嗰隻雀呀」, SY:「我都想同子子一樣」, 我:「做三隻豬啦, 著數D」

但SY竟然答我:「一個咁細嘅銅幣放三隻公仔, 咁核突!!」(吓?? 我覺得好靚喎)

銅幣做出來後, 子子說:「E個係朱古力嚟呀! 好好食架!!」(會唔會怕咬到牙到崩呀?)

「Angry Birds玩轉雞年」

日期：2017年21日及22日
時間：下午1時至晚上7時
地點：黃埔時尚坊地庫
方法：憑黃埔新天地任何商舖消費滿$200, 即可參加Angry Birds 3大遊戲, Angry Birds銅幣等緊你.




大仁生活facebook






#黃埔新天地 #whampoa #AngryBirds #玩轉雞年 #農曆新年 #YearOfRooster