2016年12月17日 星期六

【臉青青小丸子】貓咪主題餐廳 Cute爆觀塘

今次小丸子真的玩得很大, 同一時間開三間主題餐廳, 三間不同風格, 就連食物也不同...救命呀! 要食三次才可以食得齊.

觀塘店以貓咪做主題, 心諗:「真係幾鬼Cure, 不過無端端...點解全部人變晒做貓呢?


原來, 為了慶祝小丸子30週年, 剛過去的秋天, 真的推出了新一輯的小丸子, 正正就是全員變成「喵人」.


餐廳中就連野口、永澤、小渚也有以貓咪造型現身...我覺得小渚較小丸子更可愛囉!


今日, 我終於明天為何連田蕊妮都要扮貓~


單單看到這個1:1100CM小丸子, 已經很想據為己有...可惜這是非賣品, 要買就只有25CM /$230, 45CM/$380 個細小版的選擇.


食物方便, 主打是3款咖哩飯SET, 但大家可以隨意揀選小丸子、野口、花輪或小玉造型的飯底.


抹茶咖哩飯SET ($105), 首次出現IZUMI CURRY. 內有雞肉, 但抹茶味道不是太明顯, 略嫌餸料又比較小了一點.


自己反而更愛另一款, 就是有貓貓爪漢堡扒造型的, 芝士漢堡咖哩飯($105)


芝士包著漢堡, 煙肉變貓板底, 肉又有肉汁, 絶對較之前的一款豐富又抵食. (價錢兩者一樣呀!)


至於其他食物...個人覺得只有兩片小丸子公仔牌, 誠意不是太足夠吧. 雖則餃子雞翼 ($45), 及章魚燒 ($45)味道也不錯...


如果凍飯只是附有公仔牌, 而熱飲則有小丸子或花輪的拉花樣貌, 那一定不用想就揀熱飲吧!


更何況可以選意大利泡沫咖啡、牛奶咖啡或抹茶latte ($39/)


抹茶latte, 雖然臉青青的小丸子賣相有點嚇人, 但這杯抹茶latte超好味.


雖然餐廳特製的貓咪咕臣是非賣品, 但場內餐具則可以加錢換購. $48有一款杯或細餐碟; $68有大款餐碟, 我也有一刻心動過.


原作者櫻桃子真的有辦法, 估計今次全體角色扮貓如此受歡迎, 相信不久將來, 同學們齊齊扮豬, 扮狗, 扮老虎都沒有難度了.


MarukoNyan Cafe by IZUMI CURRY@YATA
地址:觀塘APM LG一田超市
時間:星期一至日:10am-10pm

大仁生活facebook

沒有留言:

張貼留言