2016年12月16日 星期五

【專家教你贏公仔 】天光玩到天黑 靚景溜冰CARNIVAL

嘉年華重臨中環, 今年絶對強勢回歸, 因為對家竟然由彼岸啟德, 走入黃大仙, AIA氣勢完勝了吧!


今年, 嘉年華改用了電子代幣卡, 嘟一嘟就得. 全場有33款機動遊戲, 34種大小攤位...


大仁首先過來探路, SY隨後而來...首先玩的就是360度環迴懸浮相.



每人有兩次機會, 我發現如果雙腳跳起時, 愈是伸展, 出來效果就最正!!我恨了拍360相很耐, 估不到嘉年華可以滿足了我的懸浮夢.



場中的小舞台不時有人表演, 下午茶時段就走了雜技聖誕小丑獻技.



食物方便, 大家也不會認會有便宜的選擇吧? 嚴格來說, 嘉年華價錢, 也不算貴吧.


為粢飯$20, 法蘭克福腸$30, 粉果$20, 春雞 $60, 豬手斬件$60



今年攤位遊戲的公仔, 大部份也非常吸引, 不過, 「掟公仔」確實是我仁生最智障的玩意, 所以, 小玩怡情就算吧.



3高的Minions入樽, 正當我說:「咁高?點射呀, 掂都掂唔到個框」說時遲, 旁邊有位女子, 一拋即中...(乜佢咁大力嘅?)



被喻為全場最易羸公仔的木製保齡球果然名不虛傳, 真的在場幾乎連小朋友也一定獲得小公仔.



因為6個保齡球樽用4個波去完成, 不困難, 最難就是決擇要巴期光年, 還是胡迪吧. 有位外籍小朋友便為此而喊了.




因為, 我要為晚飯後才過來的SY作事前視察, 所以一切機動遊戲也只能揀選BB...




這巨型超驚海盜船, 當然只聽乘客嘩嘩大叫, 便已經嚇得小朋友手震腳震, 一早己彈至千里之外.



反斗車王轉轉轉又看似太簡單, 應該只適合3-4歲小BB.



今年開始, SY漸漸開始對高高的充氣滑梯有所恐懼, 以前他會一支箭的衝去玩, 現在只會說:「我好驚喎」奇怪!


不理了, 還是吃過晚飯, 帶他入場再決定.



晚上8時的嘉年華, 原來又是另一情景, SY望到五光十色的大門口已經忍不住大叫:「好靚呀!



而入口的右手邊, 更變身中秋花燈展一樣, SY:「爸爸, 我扮得似唔似隔離朵食人花?(梗係似啦, 你不嬲都咁曳)



本來中午的碰碰車人龍只有約廿人輪侯, 入夜後出現超過一百人的長龍.


SY:「不如唔好嘥時間排隊啦, 我哋去玩其他啦」



於是在半推半就的情況下, 他便被我拉了上BB海盜船...心想:「哈哈! 終於可以玩啦」


不過, 小朋友真的全程害怕得拉緊我左手, 瑟縮在我身後, 就連對面坐位, 及旁邊的乘客也不停笑, 不停安慰.



老實說, 真的一點也不害怕, 慢吞吞, 但小朋友回答:「終於停啦...我好暈喎, D走啦, 好驚就真」


之後他看到「親子FunHouse闖關屋」便嚷著要玩:「爸爸!好似好好玩喎!



這個去年已經有的闖關屋, SY並沒有玩過, 他對於走過有水的獨木橋很興奮:「爸爸! 你差錯腳喇, 哈哈」, 我真的連鞋帶襪都濕了.



有些大海綿柱扮障礙物其實不太難走過, 但當你又相機, 又環保袋, 其實很難穿過去喎.


最後有一個旋轉滑梯...Yeah!! 我來了



碰碰車旁邊的溜冰場, 今年場地搬近了摩天輪, 可以一邊溜冰, 一邊夜景. 正到不得了.


SY:「好嘢! 我第一次同爸爸溜冰, 不過, 我一定要隻海師呀」原來, 我也不知道阿太也不時帶SY去玩有小海師提供的冰場溜冰.


:「不如你坐係海師上面, 我推你啦」...當推了2個圈, 小朋友說:「我想自己試下推」




這刻我又覺得小朋友開始長大了, 而我又可以自己拍照, 又可以影影他的「論盡」情況.



今晚的夜景真的很靚, 第一次玩嘉年華玩到晚上十點, 但依然熱鬧非常, 燈光熠熠, 除了用靚字形容, 真的想不到其他形容詞.


SY:「爸爸, 我又想坐返海師啦, 你可唔可以推返我?」小朋友還真是小朋友.



不過20分鐘時段很快又過, SY:「點解頭先排隊等咁耐, E家玩一陣又夠鐘呢?(係囉...每次排隊玩都係咁嘅?)


攤位遊戲, SY想要PoohPooh, 不過, 要將整個呼拉圈套入正方木底實在考功夫.



小朋友已經可以坐在枱面上拋, 但也做不到, 更何況是我這個攤位遊戲智障仁呢?



行行走走, SY大叫:「美國隊長呀! 爸爸...玩埋E個得唔得呀?



這個「木桶拋波波」工作人員向SY教路:「唔好用大力, 要細細力拋個波去桶邊, 因為你真拋入桶中間, 個波一定會彈返出嚟」



第一個波, 第二個波都失敗, 但第三個波擦了桶邊即時入了...全個攤位遊戲的哥哥姐姐也為SY喝采. 小朋友笑到見牙不見眼.



要走啦...嘉年華23:00關門, 現在已經遲了5分鐘. SY:「好嘢, 可以帶美國隊長返屋企Lu


2016 友邦歐陸嘉年華
即日 - 2017年2月12日 11am-11pm
地點: 香港中環海濱活動空間
門票:
成人門票 港幣$125 (包$100代幣)
小童 (3-11)或殘疾人士港幣90元 (包$70代幣)
另設入場門票港幣35元 (不包代幣)
3歲以下 , 65歲或以上長者免費入場

網址: http://www.tgec.asia/


大仁生活facebook

沒有留言:

張貼留言