【極無聊】唔想排隊~自製「港產最好味~雪糕菠蘿包」@ 平好多!!

星期六, 我的IG被「世界第2好味雪糕蜜瓜包」洗版, 我給阿太看, 她即時答:「嘩! 你睇下條人龍幾恐佈? 你個囝話要去玩卡喎, 你覺得佢會陪你排隊咩?」

去年, 我曾帶小朋友去朗豪坊某食肆, 試了一個抄襲版「蜜瓜包」, 今日SY竟然說:「上次嗰個包好難食, 我哋街口D菠蘿包仲好食啦」

於是, 懶仁免排隊, 無無聊..就促成今晚旺角街頭自製「全世界最好味~港產雪糕菠蘿包」...阿太:「金華D菠蘿包都無蜜瓜味?」

其實, 日本人覺得那款菠蘿包似蜜瓜, 所以才以此命名, 實際沒有蜜瓜.

首先, 我們到經常光顧的金華冰廳, 找店員幫手即場切開菠蘿包, 之後問SY:「你想食上次7-11樂天雪糕, 定天仁茗茶鐵觀音軟雪糕呢?」

SY:「可唔可以行去旺角買Häagen-Dazs」 (阿囝, 你都幾識食喎!), 我:「我哋襯個包仲有微溫, 快快加雪糕, 咁會好食好多」

於是我們揀了天仁的鐵觀音, 再過對面麥當勞動手術...興奮的SY一邊進行希望工程, 一邊笑說:「好似抆紅模泥咁, 好攪笑」

我問小朋友:「好唔好食呀?」SY:「梗係好食啦, 我又鍾意食菠蘿包, 觀音軟雪糕又正, 其實分開實都好食啦, 加埋點會唔好食啫」

阿太:「平時$20杯 鐵觀音我都唔捨得買, 今日仲要加落個包入面, 會唔會嘥D呀」

我:「你唔覺得好食好多咩, 又暖又凍, 同樣冰火感覺都只係$20 + $6, 足足平日本版$12, 仲可以揀配任何雪糕, 我諗如果揀正麵包出焗嗰時買, 更加好食到不得了」

菠蘿包~還是港產的好食!!

金華冰廳 菠蘿包$6

天仁茗茶 鐵觀音軟雪糕 $20


大仁生活facebook