【神杯麵又嚟啦】近大金槍魚第三彈!! 超濃咖哩烏冬

記得去年的「150萬杯一個月賣晒！近大金槍魚杯麵」, 當時, 高峰期連玩具商場In's Point也炒至$45一杯. 一年後的今日, 「近大」又再推出第三彈啦!

  

位於大阪的近畿大學水產研究所, 自家養殖金槍魚(吞拿魚), 2014年以魚骨首推「近大金槍魚脊骨湯頭鹽拉麵」限定150萬杯, 一推出就被推購一空. 去年第二彈精華版, 更推至200萬杯, 一樣瞬間售罄.

今年推出第三彈, 放棄單以濃厚的魚湯作招徠, 加入咖哩元素, 本來粗麵質地, 卻變成扁身烏冬, (計我話似十足上海麵就真)...反而變得有點遜色.

去年版本只有一包液體湯包, 今年則多出兩包, 一包味精粉, 一包蔥粒. (不過, 去年杯麵內還有數粒小魚丸, 今年則只有一小片脫水魚旦板)

愛吃烏冬的SY:「E啲係烏冬嚟咩? 」, 其實, 我也奇怪, 一直以來被稱為"杯麵烏冬"的都是這款扁身上海麵... 莫非真烏冬不能焗熟嗎?

SY:「點解個杯蓋印D字嘅?」, 我:「係呀! 即係話條魚畢業啦, 可以食得啦, 老老實實都幾唔吉利, 十足死亡證一樣」

加水後等5分鐘, 一打開杯蓋, 果然承繼去年濃郁香味的感覺, 不過, 今次則是超強咖哩味...SY:「嘩!D味好勁呀, 爸爸..辣唔辣架」

今次的咖哩不辣, 湯底依然「順喉」, 而且咖哩味拍得住街外出名的咖哩烏冬店.

不過, 我不太喜愛這款麵質, 如果是真‧烏冬, 效果會更加好. SY吃了數口便停了說:「爸爸, 我都係唔食啦, D咖哩味好勁呀!」

我說:「如果可以將咖哩粉同湯粉分兩包...鍾意先落咖哩粉,  唔鍾意破壞咗個原味魚湯嘅就唔好落,  咁米仲好囉」

近畿大學水產研究所直營店詳情，可以參考這裡：http://kindaifish.com/


樂駝柒
地址 ： 觀塘開源道60號駱駝漆大廈第3期1樓N室
Mon-Sun. 12:00-19:00

大仁生活facebook