網頁

2016年12月24日 星期六

【食到暈咗】妖怪手錶都鍾意食鹹魚?? @ 沙嗲王

話說前晚又去IN'S Point巡視業務, 竟然給我發現「沙嗲王」CrossOver「妖怪手錶」, 變成期間限定餐廳2個月...夾著電影檔期宣傳、又很不錯喎!


其實, 今日是我第三次食「沙嗲王」, 去年食過比卡超...伏伏地, 不過一個甘去食主題餐廳的人, 伏也想去試.


油麻地分店大門前、勉勉強強也放了一個1:1地縛喵, 牆上都有不少海報, 雖然我們坐正大門第一枱, 貼的是「RE:從零開始的異世界生活」(Sorry聽也未聽過)



走到所謂限定品的角落, 全部也是文具, 但一向沒有看妖怪手錶的SY竟然對我說:「有鑽石喵喎...(咩嚟? 你又識佢個名?), 我估囉, 佢似鑽石囉」



妖怪剪影薄餅配蟹粉豆腐鍋(我認得他!當然)$79, 名字長得如此要緊? 地縛喵, 哥瑪先生, 威斯柏的剪影薄餅算不錯, 脆岳岳的...



不過, 蟹粉豆腐鍋則不時飄出濃烈蝦膏, 鹹魚味...心想:「妖怪手錶對象唔係小朋友咩? 乜細路都鍾意鹹魚?


我叫SY不如用匙羹, 將豆腐及醬汁放在薄餅上試試味...結果, 小朋友食了一口後, 突然全身顫抖, 伏了在枱上叫:「好辛苦呀!



我今日才知道勁烈的蝦膏, 鹹魚竟然是我家小朋友的勁敵...朋友強叔叔逗足SY5分鐘, 最後他才肯醒抹過眼淚, 繼續進食. (難食點解唔吐出來, 要喊呢?)


MONGE !和地縛喵一起野餐 ZURA $69, 有普通脆皮腸、少少發霉的薯仔沙律, 及漿粉又厚又鹹的炸雞外, 賣點就是兩舊飯糰.



因為, 隨餐附送兩張米紙, 有地縛喵樣, 及哥瑪先生樣, 大家可以自己為飯糰貼上眼耳口鼻, 有互動性的套餐一定要加分.


可惜壽司飯糰醋味太強, 又沒有餡料...好像有點難嚥下的感覺. 朋友說:「好睇唔好食啦」



全枱食物, 最合格的, 又最靚的一定是地縛喵造型飯 $79...起碼正正經經, 正正常常.


SY:「個喵頭飯係暖呀! 好食呀」 其實, 只是合格的牛肋肉, 普通的咖哩, 但就是因為之前的太地獄, 所以, 小朋友也會大讚.



看來應該多帶小朋友到劣食店舖, 有助他以後更珍惜食物喎.


臨走前, 走到店內的喵喵裝飾拍拍照, 老老實實, 與同期的小丸子餐廳, 簡直是龍是蟲, 即時感受得到. SY:「爸爸, 影完未呀? 不如快D走囉, 我想出返隔離睇玩具多D



沙嗲王 X 妖怪手錶 期間限定餐廳
即日至2017年2月28日
全線7間分店同步進行


大仁生活facebook

沒有留言:

張貼留言