【撐香港製造】食上癮~健康啤啤曲奇

去年認識了Cloud Candy三個年青奶爸, (詳情可重溫:日日賣600粒牛奶糖), 上星期阿倫問我:「我哋有新出品呀! 係啤啤曲奇, 你有冇興趣試下 (梗係好啦, 曲奇餅係我哋嘅早餐嚟)」 

SY:「爸爸! D曲奇好似你啲Bearbrick咁樣喎」 .  對呀! 而且更一次過有5款口味, 「牛油」,「橙皮」, 「抹茶」, 「朱古力」, 「低糖」.

超鬆脆的「真正熊仔」曲奇,  絶對不是賣廣告「食到停唔到口」, 不過, 為何曲奇標榜健康?? 當我望一望營養標籤, 「嘩!零反式脂肪咁勁?」

阿倫說:「其實, 牛油加熱一定會變出反式脂肪, 但我哋真係接近零...零點幾啦, 低過政府法定標準, 嚴格嚟講都唔可以話無嘅」

我鍾意食橙皮味, 因為略帶甜味, 牛油香噴噴, 超正!! 抹茶不是不好, 但茶味再濃一點就更好, 不過朱古力味則不夠甜, 有少少苦...

阿倫解釋:「朱古力味我哋用靚可可, 特登唔做太甜, 希望特出返D香味」(只怪我兩父子愛甜不愛靚可可...唔識食之過)

啤啤曲奇很香牛油味, 但拿上手又不覺油, 忽然食曲奇也全不邪惡, 阿倫為我解開迷團:「我哋唔用酥油加香, 所以就無咁油, 同更健康, 落咗酥油反式脂肪更勁」

                   

健康曲奇, 沒有乳化劑, 少糖, 少油, 非常出色, 不過望著皺皺皮的「低糖」味道, SY:「都無味嘅? 我都係鍾意食牛油」

雖然, 我也知道「低糖」比較健康, 不過真的太健康, 不合適我這個凡夫俗子...今次曲奇我們各有所好,  我愛橙皮味; 不愛吃生果的SY不會碰, 只吃牛油味, 阿太對抹茶情有獨鍾,  

我:「唔駛爭最好啦, 不過, 我都想食D牛油味...(SY:唔得..你有橙啦, 唔好食我嗰D早餐啦)」



「啤啤特色曲奇」@ Cloud Candy X Besigner Cookies
FB: https://www.facebook.com/cloudcandys/



大仁生活facebook