我絶對是飲PizzaHut奶長大的仁, 所以我對港式Pizza情有獨鍾, 不過, 今日我竟然發現更有咬口的Pizza出現, 手工長長長薄餅是也.
我問店員姐姐:「Pizza唔係圓形嘅咩?」, 她答:「E三款是我哋最新推出嘅手工薄餅, 真係廚師每日新鮮人手搓架」
原來, 我平日吃慣的Pizza並不是全人手搓? 我說:「我嚟過生日會, 小朋友係一人搓一個, 之後食返喎」, 店員:「所以就特別好食囉」(咁又係喎)
三款長籟籟手工, 包括「三文誘惑」, 「巴馬風情」, 及「綠野田園」
一上枱三款最香的絶對是「綠野田園」, 不得了...因為有我最愛吃的松子果仁, (其實, 我由細到大都係叫佢做鬆子喎)
有秀珍菇, 有蘆筍, 有白菌...鬆子很貴, 平日不捨得買, 今次整個Pizza有一大堆, 正...正...正...(揀晒出嚟食晒先食個餅底)
「巴馬風情」是小小豬的最愛.
他不停吃Pizza面上大大塊圓圓的水牛芝士, 不停說:「我要留返攞返屋企呀」真的小朋友也識慢慢嘆的道理.
「三文誘惑」就是我和SY的首選, 三文魚夠肥美, 而且這款是唯一一個帶甜味的Pizza, 可能因為配了希臘乳酪.
SY:「好食就好食, 如果有夏威夷風情就好...」(完全認同)
之後來的是「慢烤徳國豬手」, 我叫SY手持豬手拍照, 但當他一手執起豬手, 豬肉已經軟籟籟的倒下.
SY:「D排骨攞唔到喎」,因為慢煮10小時的關係, 肉質已經進入化景...
我將軟腍腍的豬肉放入口, 還未來得急咬, 肉質已經在口腔內自動溶解:「嘩! 真係太婆無晒牙, 一樣可以成隻豬手「妹」咗佢...腍到咁, 咬都唔駛咬」 SY:「爸爸...點薯蓉仲好食呀!」
其實, 此時我已經被重臨PizzaHut的「芝士火鍋」所吸引...
這個「情濃芝心鍋」用了Swiss、Mozzarella同Emmental三種芝士煲成一鍋...SY:「畀我拉芝, 畀我拉芝」小朋友真的玩得很開心.
配料多得幸好今晚相約了小小豬家庭, 否則一家三口一定沒法子KO如此多配料...
煙三文魚, 青口, 牛肋肉, 法包粒, 蝦, 肉丸, 煙肉腸, 露筍, 雞粒, 薯條
SY不停食薯條, 不停說:「原來薯條配芝士咁好食...爸爸...你個三文魚唔好整咁耐呀! 因為太熟唔好」
小小豬媽:「係呀! 店員建議話放配料入去轉三個圈就係最好味」
阿太:「青口同露筍都好食, 重重芝士包圍住, 啖啖都有芝士, 好滿足」
而我們兩家人也異口同聲的說:「芝心鍋配青蘋果係全場最好食,
甜甜地, 鹹鹹地, 又爽又糊口, 好好食...」
我:「如果有菠蘿就真係超班!!」小小豬媽, SY, 阿太齊齊和應...又食又笑又可以談天說地...絶對開心時刻啦!! PizzaHut
大仁生活facebook
沒有留言:
張貼留言